1549/’17
ගරු ඉම්රාන් මහරූෆ් මහතා,— පළාත් සභා හා පළාත් පාලන අමාත්‍යතුමාගෙන් ඇසීමට,—
(අ) (i) කින්නියා, එළිලරංගු ක්‍රීඩාපිටිය පසුගිය වසර කිහිපයක සිට සංවර්ධනය කරමින් පවතින බවත්;
(ii) එහි සංවර්ධන කටයුතු සඳහා වෙන්කරන ලද මුදල කොපමණද;
(iii) ඒ හරහා සිදුකරනු ලබන වැඩකටයුතු කවරේද;
(iv) ඉහත කටයුතු පිළිබඳ එහි සිටින රාජ්‍ය නිලධාරින් නොදන්නා බවත්;
එතුමා දන්නෙහිද?
(ආ) (i) එළිලරංගු ක්‍රීඩාපිටියේ සංවර්ධන කටයුතු සඳහා වර්ෂ 2011 සිට 2015 දක්වා වෙන් කරන ලද මුදල් ප්‍රතිපාදනය, වර්ෂය අනුව වෙන් වෙන් වශයෙන් කොපමණද;
(ii) එමඟින් සිදුකරන ලද සංවර්ධන කටයුතු කවරේද;
(iii) උක්ත සංවර්ධන කටයුතු පිළිබඳව ත්‍රිකුණාමල දිස්ත්‍රික් ලේකම් කාර්යාලය හෝ නැගෙනහිර පළාත් සභාව හෝ නොදැනුවත්ව අමාත්‍යාංශය විසින් සෘජුව කටයුතු කරනු ලැබීමට හේතුව කවරේද;
(iv) සංවර්ධන කටයුතු සිදුකරනු ලබන කොන්ත්‍රාත්කරු කවුරුන්ද;
(v) එම කොන්ත්‍රාත්කරුට වැඩ පවරා ඇති පදනම කවරේද;
(vi) දීර්ඝ කාලයක් ගතවී ඇතත්, සංවර්ධන කටයුතු තවමත් සම්පූර්ණ නොකිරීමට හේතු කවරේද;
යන්න එතුමා මෙම සභාවට දන්වන්නෙහිද?
(ඇ) යහපාලන රජය යටතේ සිදුකරනු ලබන සියලුම සංවර්ධන වැඩකටයුතු පිළිබඳව විනිවිද භාවයක් පැවතීම තහවුරු කරන්නේද යන්නත් එතුමා මෙම සභාවට දන්වන්නෙහිද?
(ඈ) නොඑසේ නම්, ඒ මන්ද?
අසන ලද දිනය
2017-06-20
අසන ලද්දේ
ගරු ඉම්රාන් මහරූෆ් මහතා, පා.ම.
අමාත්‍යාංශය
පළාත්සභා, පළාත් පාලන සහ ක්‍රීඩා
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ අටවැනි පාර්ලිමේන්තුව
සභාවාරය
1
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
