கௌரவ இம்ரான் மஹ்ரூப்,— மாகாண சபைகள் மற்றும் உள்ளூராட்சி அமைச்சரைக் கேட்பதற்கு,—
(அ) (i) கிண்ணியா, எழிலரங்கு விளையாட்டு மைதானம் கடந்த சில வருடங்களாக அபிவிருத்தி செய்யப்பட்டு வருகின்றதென்பதையும்;
(ii) அதன் அபிவிருத்தி பணிகளுக்காக ஒதுக்கப்பட்ட பணம் எவ்வளவென்பதையும்;
(iii) அதனூடாக செயற்படுத்தப்படுகின்ற பணிகள் யாவையென்பதையும்;
(iv) அப்பணிகள் பற்றி அங்கே இருக்கின்ற அரசாங்க உத்தியோகத்தர்கள் அறிந்திருக்கவில்லை என்பதையும்;
அவர் அறிவாரா?
(ஆ) (i) எழிலரங்கு விளையாட்டு மைதானத்தின் அபிவிருத்திப் பணிகளுக்காக 2011 முதல் 2015 ஆம் ஆண்டு வரை ஒதுக்கப்பட்ட நிதி ஏற்பாடு ஆண்டு வாரியாக தனித்தனியாக எவ்வளவென்பதையும்;
(ii) அதன் மூலமாக செயற்படுத்தப்பட்ட அபிவிருத்திப் பணிகள் யாவையென்பதையும்;
(iii) திருகோணமலை மாவட்ட செயலகம் மற்றும் கிழக்கு மாகாண சபை அறியாத வகையில் அமைச்சு நேரடியாகவே மேற்படி அபிவிருத்தி பணிகளை செயற்படுவதற்கான காரணம் யாதென்பதையும்;
(iv) அபிவிருத்திப் பணிகளை மேற்கொள்கின்ற ஒப்பந்தகாரர் யாரென்பதையும்;
(v) மேற்படி ஒப்பந்தகாரருக்கு வேலைகள் ஒப்படைக்கப்பட்டுள்ள அடிப்படை யாதென்பதையும்;
(vi) நீண்ட காலமாகியுள்ள போதிலும், அபிவிருத்திப் பணிகள் இதுவரை பூர்த்தி செய்யப்படாமைக்கான காரணம் யாதென்பதையும்;
அவர் இச்சபைக்கு அறிவிப்பாரா?
(இ) நல்லாட்சி அரசாங்கத்தின் கீழ் மேற்கொள்ளப்படுகின்ற அனைத்து அபிவிருத்திப் பணிகள் தொடர்பாகவும் வௌிப்படைத்தன்மை காணப்படுவதை உறுதிப்படுத்துவாரா என்பதையும் அவர் இச்சபைக்கு அறிவிப்பாரா?
(ஈ) இன்றேல், ஏன்?
கேட்கப்பட்ட திகதி
2017-06-20
கேட்டவர்
கௌரவ இம்ரான் மஹ்ரூப், பா.உ.
சட்டவாக்கம்
இலங்கை சனநாயக சோசலிசக் குடியரசின் எட்டாவது பாராளுமன்றம்
கூட்டத்தொடர்
1
பதில் தேதி
0000-00-00
பாராளுமன்றத்திற்கு வருகை தருதல்
பாராளுமன்றத்தின் கையேடு
இலங்கையில் தேர்தல் முறை
பாராளுமன்றம் எவ்வாறு செயல்படுகிறது
பாராளுமன்ற அலுவல்கள்
பதிப்புரிமை © இலங்கை பாராளுமன்றம்.
முழுப்பதிப்புரிமையுடையது.
வடிவமைத்து உருவாக்கியது TekGeeks
