1608/’17
ගරු වාසුදේව නානායක්කාර මහතා, — මුදල් හා ජනමාධ්‍ය අමාත්‍යතුමාගෙන් ඇසීමට,—
(අ) (i) ජ්‍යෙෂ්ඨ පුරවැසියන්ගේ රුපියල් මිලියන 1.5 දක්වා වන ස්ථාවර තැන්පතු සඳහා 15% ක පොළියක් ලබා දෙන ලෙස දැනුම් දෙමින්, සියලුම බැංකු වෙත චක්‍රලේඛයක් යවා ඇති බවට 2016.11.21 හෝ එයට ආසන්න දිනයකදී පැවති රූපවාහිනී සම්මුඛ සාකච්ඡාවකදී එවකට සිටි මුදල් අමාත්‍යතුමා සඳහන් කළ බවත්;
(ii) එයට වෙනස් ප්‍රකාශයක් කරමින්, අවශ්‍ය උපදෙස් ද සමඟ එතුමා ශ්‍රී ලංකා මහ බැංකුව වෙත එම චක්‍රලේඛ යැවූ බව සහ එකී නියෝගය ක්‍රියාත්මක කිරීමට ශ්‍රී ලංකා මහ බැංකුව අපොහොසත් වී ඇතැයි එතුමා සඳහන් කළ බවත්;
එතුමා පිළිගන්නෙහිද?
(ආ) (i) රාජ්‍ය බැංකු ඇතුළුව සියලුම බැංකු 2017.01.31 දිනය වනවිට ද එම චක්‍රලේඛය ක්‍රියාත්මක කර නොමැති බවත්;
(ii) ඒ හේතුවෙන් ජ්‍යෙෂ්ඨ පුරවැසියන්ට සිදුවී ඇති පාඩුව රුපියල් ලක්ෂ ගණනක් බවත්;
එතුමා දන්නෙහිද?
(ඇ) (i) අමාත්‍යවරයා විසින් යවන ලද චක්‍රලේඛ බැංකු විසින් නොසළකා හැරීමට පාදක වූ පදනම සහ හේතු කවරේද;
(ii) අමාත්‍යතුමා විසින් 2015 නොවැම්බර් මාසයේදී ඉදිරිපත් කරන ලද අයවැය යෝජනාවට අනුව, මෙම වැඩපිළිවෙළ ක්‍රියාත්මක විය යුතු ව තිබූ දිනය කවරේද;
(iii) අමාත්‍යතුමා විසින් එකී නියෝගය නිකුත් කරන ලද දිනයේ සිට ක්‍රියාත්මක වන පරිදි ජ්‍යෙෂ්ඨ පුරවැසියන්ට වන්දිපූරණය කිරීමට කටයුතු කරන්නේද;
යන්න එතුමා මෙම සභාවට දන්වන්නෙහිද?
(ඈ) නොඑසේ නම්, ඒ මන්ද?
අසන ලද දිනය
2017-05-24
අසන ලද්දේ
ගරු වාසුදේව නානායක්කාර මහතා, පා.ම.
අමාත්‍යාංශය
මුදල්
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ අටවැනි පාර්ලිමේන්තුව
සභාවාරය
1
ජ්‍යෙෂ්ඨ පුරවැසියන්ගේ ස්ථාවර තැන්පතු පොලිය: චක්‍රලේඛය ක්‍රියාත්මක නොකිරීම
පිළිතුරු දුන් දිනය
2017-07-25
විසින් පිළිතුරු දෙන ලදී
ගරු ඉරාන් වික්‍රමරත්න, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
