1700/’17
ගරු නලින් බණ්ඩාර ජයමහ මහතා,— ඉඩම් සහ පාර්ලිමේන්තු ප්‍රතිසංස්කරණ අමාත්‍යතුමාගෙන් ඇසීමට,—
(අ) (i) මඩකලපුව දිස්ත්‍රික්කයේ චෙන්කලඩි ප්‍රාදේශීය ලේකම් කොට්ඨාසයේ, එරාවූර්, පුන්නකුඩා ග්‍රාමයේ පිහිටි ඉඩම් ප්‍රතිසංස්කරණ කොමිෂන් සභාවට අයත් අක්කර 370 ක් පමණ වූ, ඉඩම බොහෝ කලක සිට පදිංචිකරුවෙකු හෝ නොමැති, කිසිදු සංවර්ධන කාර්යයකට හෝ ඉදිකිරීමක් සඳහා යොදා නොගත් ඉඩමක් ලෙස පවතින්නේද;
(ii) මෙම ඉඩම ප්‍රාදේශීය ලේකම්වරයා‍ගේ අනුදැනුම මත කර්මාන්ත කලාපයක් පිහිටුවීම සඳහා හඳුනාගෙන තිබේද;
(iii) ඒ අනුව, එම ඉඩම කර්මාන්ත කලාපයක් පිහිටුවීම සඳහා ශ්‍රී ලංකා ආයෝජන මණ්ඩලයට නීත්‍යානුකූලව පවරා දීමට ඉඩම් ප්‍රතිසංස්කරණ කොමිෂන් සභාව වෙත ඉල්ලීමක් කර තිබේද;
(iv) එම ඉඩමේ ආයෝජන කලාපයක් ඉදිකිරීමට අවශ්‍ය මූලික අධ්‍යයනය සිදු කිරීම සඳහා රුපියල් මිලියන 38ක වියදමකින් ශ්‍රී ලංකා ආයෝජන මණ්ඩලය මඟින් ලංකා හයිඩ්‍රොලික් ආයතනයට පවරා තිබේද;
(v) මේ වනවිට එම භූමියේ තිබූ තල්ගස් කපා දමා, කිසියම් පිරිසක් අනවසරයෙන් වැටවල් ඉදිකර, ස්ථිර ගොඩනැගිලි ඉදිකිරීම ආරම්භකර තිබේද;
(vi) අදාළ බලධාරින් අනවසර ඉදිකිරීම් ඉවත් කිරීමට කටයුතු නොකිරීමට හේතුව කවරේද;
යන්න එතුමා මෙම සභාවට දන්වන්නෙහිද?
(ආ) නොඑසේ නම්, ඒ මන්ද?
අසන ලද දිනය
2017-09-21
අසන ලද්දේ
ගරු නලින් බණ්ඩාර ජයමහ මහතා, පා.ම.
අමාත්‍යාංශය
ඉඩම්
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ අටවැනි පාර්ලිමේන්තුව
සභාවාරය
1
පුන්නකුඩා ග්‍රාමයේ පිහිටි ඉඩම් ප්‍රතිසංස්කරණ කොමිෂන් සභාවට අයත් ඉඩම: අනවසර ඉදිකිරීම්
පිළිතුරු දුන් දිනය
2017-09-21
විසින් පිළිතුරු දෙන ලදී
ගරු ගයන්ත කරුණාතිලක, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
