1953/’17
ගරු වාසුදේව නානායක්කාර මහතා,— උසස් අධ්‍යාපන හා මහාමාර්ග අමාත්‍යතුමාගෙන් ඇසීමට,—
(අ) (i) 2007 වර්ෂයේදී සබරගමුව විශ්වවිද්‍යාලය සඳහා වෛද්‍ය පීඨයක් ආරම්භ කිරීමට යෝජනා කර, වර්ෂ 2010 දී රත්නපුර මහ රෝහලට සම්බන්ධකර උපාධි පාඨමාලා 3ක් යටතේ සිසුන් 125ක් බඳවාගැනීමට සැලසුම් සකස් කළ බව පිළිගන්නේද;
(ii) ඒ අනුව, වෛද්‍ය උපාධිය සඳහා සිසුන් 75ක් ද, හෙද උපාධිය සඳහා සිසුන් 25ක් සහ පරිපූරක වෛද්‍ය උපාධියට සිසුන් 25ක් ලෙස බඳවාගැනීමට නියමිතව තිබූ බව දන්නේද;
(iii) මේ සඳහා රත්නපුර මහ රෝහල අසල විශ්වවිද්‍යාලය සතුව අක්කර 21ක ඉඩමක්ද ඇති බව දන්නේද;
(iv) එම සැලසුම් සකස් කර වර්ෂ 7ක් ගතවී ඇතත්, මේ දක්වා සබරගමුව විශ්වවිද්‍යාලයේ වෛද්‍ය පීඨය ආරම්භ කර නොමැති බව පිළිගන්නේද;
යන්න එතුමා මෙම සභාවට දන්වන්නෙහිද?
(ආ) වෛද්‍ය අධ්‍යාපනය සම්බන්ධව තීරණාත්මක සාකච්ඡාවක් රට තුළ ඇති වී තිබෙන මේ මොහොතේ වර්ෂ ගණනාවක් අතපසු වී ඇති සබරගමුව විශ්වවිද්‍යාලයේ වෛද්‍ය පීඨය වහාම ආරම්භ කිරීමට පියවර ගන්නේද යන්නත් එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2017-11-29
අසන ලද්දේ
ගරු වාසුදේව නානායක්කාර මහතා, පා.ම.
අමාත්‍යාංශය
මහාමාර්ග හා මාර්ග සංවර්ධන
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ අටවැනි පාර්ලිමේන්තුව
සභාවාරය
1
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
