1983/’17
ගරු පියල් නිශාන්ත ද සිල්වා මහතා,— පළාත් සභා හා පළාත් පාලන අමාත්‍යතුමාගෙන් ඇසීමට,—
(අ) (i) බේරුවල ප්‍රාදේශීය සභාවට අයත් අළුත්ගම මහජන ක්‍රීඩාංගණය එම සභාව මඟින් නඩත්තු කරන බවත්;
(ii) මීට වසරකට පෙර එම ක්‍රීඩාංගණය ප්‍රතිසංස්කරණය කර සංවර්ධනය කළ බවත්;
එතුමා දන්නෙහිද?
(ආ) (i) එම සංවර්ධන කටයුතු සඳහා ලබා දුන් ප්‍රතිපාදන ප්‍රමාණය සහ වර්ෂය කවරේද;
(ii) ක්‍රීඩාංගණය සංවර්ධනය කිරීමේදී නියමිත ටෙන්ඩර් පටිපාටිය අනුගමනය කර තිබේද;
(iii) නොඑසේ නම්, එයට හේතු කවරේද;
(iv) එම ව්‍යාපෘතියේ කොන්ත්‍රාත්කරුවන් කවුරුන්ද;
(v) ව්‍යාපෘතිය සඳහා අනුමත වූ සම්පූර්ණ මුදලම එම ව්‍යාපෘතියට යොදවා තිබේද;
යන්න එතුමා සඳහන් කරන්නෙහිද?
(ඇ) (i) එම ක්‍රීඩාංගණය, උත්සවයක්/ක්‍රීඩා තරඟයක්/සාමාජීය කටයුත්තක් සඳහා වෙන් කර ගැනීමේදී බේරුවල ප්‍රාදේශීය සභාවෙන් අවසර ගැනීම සඳහා එම ප්‍රදේශය නියෝජනය කරන අමාත්‍යවරයාගේ නිර්දේශය අවශ්‍ය වන්නේද;
(ii) එසේ නම්, එයට හේතු කවරේද;
(iii) ප්‍රදේශයේ ක්‍රීඩා සමාජවලට මෙම ක්‍රීඩාංගණයේ ක්‍රීඩා කිරීම තහනම් කර තිබේද;
(iv) එසේ නම්, එයට පදනම් වූ හේතු කවරේද;
යන්නත් එතුමා සඳහන් කරන්නෙහිද?
(ඈ) නොඑසේ නම්, ඒ මන්ද?
අසන ලද දිනය
2017-10-20
අසන ලද්දේ
ගරු පියල් නිශාන්ත ද සිල්වා මහතා, පා.ම.
අමාත්‍යාංශය
පළාත්සභා, පළාත් පාලන සහ ක්‍රීඩා
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ අටවැනි පාර්ලිමේන්තුව
සභාවාරය
1
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
