2122/’17
ගරු ජයන්ත සමරවීර මහතා,— ඛනිජ තෙල් සම්පත් සංවර්ධන අමාත්‍යතුමාගෙන් ඇසීමට,—
(අ) (i) පෙට්‍රල් ආනයනයේදී පෙට්‍රල් ලීටරයක් වෙනුවෙන් රජය විසින් අයකරනු ලබන ආනයනික බද්ද කොපමණද;
(ii) පෙට්‍රල් ලීටරයක් සඳහා රජය විසින් ආනයන බද්ද හැර වෙනත් බදු අය කරන්නේද;
(iii) එසේ නම්, එම බදු කවරේද;
(iv) එක් ලීටරයක් සඳහා අයකරනු ලබන බදු ප්‍රමාණය, එක් එක් බදු වර්ගය අනුව කොපමණද;
යන්න එතුමා මෙම සභාවට දන්වන්නෙහිද?
(ආ) (i) පෙට්‍රල් ලීටරයක් සඳහා රජය විසින් අයකරනු ලබන මුළු බදු ප්‍රමාණය, පෙට්‍රල් ලීටරයක සිල්ලර මි‍ලෙහි කවර ප්‍රතිශතයක්ද;
(ii) පෙට්‍රල් ලීටරයක් සඳහා රජය අයකරනු ලබන සියලු බදු ඉවත් කලහොත් පාරි‍භෝගිකයාට පෙට්‍රල් ලීටරයක් ලබා දිය හැකි සිල්ලර මිල කොපමණද;
යන්නත් එතුමා මෙම සභාවට දන්වන්නෙහිද?
(ඇ) (i) පෙට්‍රල් ලීටරයක් සඳහා රජය විසින් විවිධ වර්ගයේ බදු අය කිරීම භාණ්ඩ හා සේවාවන්හි මිල ගණන් වැඩිවීමට බලපා ඇති බවත්;
(ii) පෙට්‍රල් ලීටරයක් සඳහා රජය අයකරනු ලබන සියලු බදු ඉවත් කළහොත් භාණ්ඩ හා සේවාවල මිල අඩුකිරීමට හැකි බවත්;
එතුමා පිළිගන්නෙහිද?
(ඈ) නොඑසේ නම්, ඒ මන්ද?
අසන ලද දිනය
2017-12-08
අසන ලද්දේ
ගරු ජයන්ත සමරවීර මහතා, පා.ම.
අමාත්‍යාංශය
ඛනිජ තෙල් සම්පත් සංවර්ධන
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ අටවැනි පාර්ලිමේන්තුව
සභාවාරය
1
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
