2205/’17
ගරු ඩග්ලස් දේවානන්ද මහතා,— ධීවර හා ජලජ සම්පත් සංවර්ධන අමාත්‍යතුමාගෙන් ඇසීමට,—
(අ) (i) මුලතිව් දිස්ත්‍රික්කයේ තුන්දහස් හාරසීයකට අධික පවුල් සංඛ්‍යාවක් ධීවර කර්මාන්තයේ යෙදී සිටින බවත්;
(ii) මෙම ධීවරයන් කිලෝමීටර් 73ක් පමණ දිග වෙරළ තීරය සහ ගැඹුරු මුහුද භාවිතා කරමින් මෙම කර්මාන්තයේ යෙදී සිටින බවත්;
(iii) මෙම ප්‍රදේශයේ ප්‍රදීපාගාරයක් නොමැතිවීම හේතුවෙන්, ධීවර යාත්‍රා වැරදි දිශාවලට ගමන් කිරීම ඇතුළුව නොයෙකුත් ගැටලුවලට ධීවර ජනතාවට මුහුණ දීමට සිදුවී ඇති බවත්;
එතුමා දන්නෙහිද?
(ආ) (i) මෙම ප්‍රදේශයේ ප්‍රදීපාගාරයක් ඉදිකිරීමට පියවර ගන්නේද;
(ii) එසේ නම්, එම දිනය කවරේද;
යන්න එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2018-04-06
අසන ලද්දේ
ගරු ඩග්ලස් දේවානන්දා මහතා, පා.ම.
අමාත්‍යාංශය
ධීවර හා ජලජ සම්පත් සංවර්ධන සහ ග්‍රාමීය ආර්ථිකය පිළිබඳ
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ අටවැනි පාර්ලිමේන්තුව
සභාවාරය
1
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
