211/’18
ගරු (වෛද්‍ය) නලින්ද ජයතිස්ස මහතා,— විදුලිබල, බලශක්ති සහ ව්‍යාපාර සංවර්ධන අමාත්‍යතුමාගෙන් ඇසීමට,—
(අ) (i) ලංකා විදුලිබල මණ්ඩලයේ, ඒස් ඇඹිලිපිටිය බලාගාරයෙන් විදුලිය මිලදී ගැනීම ආරම්භ කළ දිනය කවරේද;
(ii) එම කාලය තුළ එම බලාගාරයෙන් විදුලි ඒකකයක් මිලදී ගත් මිල කොපමණද;
(iii) එම සමස්ත කාලය තුළ ඒස් ඇඹිලිපිටිය බලාගාරය සඳහා ගෙවූ මුළු මුදල කොපමණද;
(iv) එම බලාගාරය සඳහා හිමිකාර සමාගම ආයෝජනය කර ඇති මුළු මුදල කොපමණද;
යන්න එතුමා මෙම සභාවට දන්වන්නෙහිද?
(ආ) (i) වසර 10ක් විදුලි මිලදී ගැනීමෙන් පසු ගිවිසුම දීර්ඝ කළ දිනය කවරේද;
(ii) ගිවිසුම දීර්ඝ කිරීමට හේතු කවරේද;
(iii) ඒ සඳහා මහජන උපයෝගීතා කොමිසම් සභාවේ අනුමතිය ලැබී තිබේද;
(iv) එසේ නම්, එම අනුමතිය සභාගත කරන්නේද;
(v) ඒස් ඇඹිලිපිටිය බලාගාරය සමඟ අත්සන් කළ සියලු ගිවිසුම් සභාගත කරන්නේද;
යන්නත් එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2019-06-20
අසන ලද්දේ
ගරු (වෛද්‍ය) නලින්ද ජයතිස්ස මහතා, පා.ම.
අමාත්‍යාංශය
විදුලිබල, බලශක්ති සහ ව්‍යාපාර සංවර්ධන
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ අටවැනි පාර්ලිමේන්තුව
සභාවාරය
3
ඒස් පවර් ඇඹිලිපිටිය පුද්ගලික සමාගමෙන් විදුලිය මිලදී ගැනීම: විස්තර
පිළිතුරු දුන් දිනය
2019-06-20
විසින් පිළිතුරු දෙන ලදී
ගරු රවී කරුණානායක, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
