505/’19
ගරු එස්. එම්. මරික්කාර් මහතා,— සෞඛ්‍ය, පෝෂණ හා දේශීය වෛද්‍ය අමාත්‍යතුමාගෙන් ඇසීමට,—
(අ) (i) බස්නාහිර පළාත් රෝහල්වල සායනික අපද්‍රව්‍ය මුල්ලේරියාව, සිසිලි හනා‍රෝ ආයතනයේදී පැය 24 පුරා දහනය කිරීමෙන් නිකුත් වන දුමාරයෙන් අවට වෙසෙන ජනතාවට 2004 වර්ෂයේ සිට පීඩා සිදු වන බවත්;
(ii) මෙම ආයතනය පිහිටුවීමේදී ලෝක සෞඛ්‍ය සංවිධානයේ නිර්ණායක සපුරා නොමැති බවත්;
(iii) මධ්‍යම පරිසර අධිකාරියේ බලපත්‍රය ලබා ගැනීමේදී ප්‍රදේශයේ සෞඛ්‍ය වෛද්‍ය නිලධාරිවරයාගේ නිර්දේශය ලබා ගෙන නොමැති බවත්;
(iv) දැඩි ලෙස බලපත්‍ර කොන්දේසි උල්ලංඝනය කරන බවත්;
එතුමා දන්නෙහිද?
(ආ) (i) ප්‍රදේශයේ ජනතාවට සෞඛ්‍ය පීඩා ගෙන දෙන පරිසර දූෂණයක් මේ මඟින් සිදු වන බවට විද්‍යාත්මකව පරීක්ෂා කර පිළිගත් ඇගයීමක් පවතීද;
(ii) ජනතාවට සිදු වන පීඩාව අවම කිරීම පිණිස සෞඛ්‍ය, පෝෂණ හා දේශීය වෛද්‍ය අමාත්‍යාංශය ගෙන ඇති පියවර කවරේද;
(iii) නොඑසේ නම්, මෙම පීඩාව වැළැක්වීමට ගත හැකි කෙටිකාලීන හා දිගු කාලීන ක්‍රියාමාර්ග කවරේද;
(iv) ලෝක සෞඛ්‍ය සංවිධානයේ නිර්ණායකවලට අනුකූලව ශ්‍රී ලංකාව තුළ සායනික අපද්‍රව්‍ය දහනය කිරීමේ මධ්‍යස්ථානයක් නිර්මාණය කළ හැකිද;
(v) ඒ සඳහා රජය විසින් මේ වනවිට සැලසුම් සකස් කර තිබේද;
(vi) එසේ නම්, එය ක්‍රියාත්මක කරනු ලබන දිනය කවරේද;
යන්න එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2019-06-06
අසන ලද්දේ
ගරු එස්. එම්. මරික්කාර් මහතා, පා.ම.
අමාත්‍යාංශය
සෞඛ්‍ය, පෝෂණ හා දේශීය වෛද්‍ය
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ අටවැනි පාර්ලිමේන්තුව
සභාවාරය
3
සායනික අපද්‍රව්‍ය දහනය : සිදු වන පීඩාව
පිළිතුරු දුන් දිනය
2019-06-06
විසින් පිළිතුරු දෙන ලදී
ගරු රාජිත සේනාරත්න, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
