903/’19
ගරු සුනිල් හඳුන්නෙත්ති මහතා,— මුදල් අමාත්‍යතුමාගෙන් ඇසීමට,—
(අ) (i) 2010.12.10 දිනැති අංක 01/2010 චක්‍රලේඛය මඟින් ව්‍යවස්ථාපිත ආයතනවල නිලධාරින්ට සහනදායී පදනම මත වාහන ආනයනයේදී දෙවැනි වාහනය ලබාගැනීම සඳහා ලබාදී තිබූ අවුරුදු 5ක කාලය 2016.07.14 දිනැති අංක 1/2016 චක්‍රලේඛය 2015.11.21 දින සිට ක්‍රියාත්මක කිරීමෙන් අවුරුදු 10 දක්වා දීර්ඝ කිරීම හේතුවෙන් මේ සඳහා 2016 වර්ෂය තුළ සුදුසුකම් ලැබූ නිලධාරින්ට දැඩි අසාධාරණයක් සිදුවු බවත්;
(ii) 2018.06.08 දිනැති අංක 01/2018 (1) චක්‍රලේඛය 2018.06.09 දින සිට ක්‍රියාත්මක කරමින් එම කාලසීමාව නැවත අවුරුදු 5 දක්වා අඩු කිරීමෙන් 2016 වර්ෂයේ සිට 2018.06.08 දින දක්වා විශ්‍රාම ගිය නිලධාරින්ට එම හිමිකම අහිමි වූ බවත්;
(iii) ඉහත 01/2018 (1) චක්‍රලේඛයට අදාළ අමාත්‍ය මණ්ඩල තීරණයේ 2018.06.08 හෝ 2018.06.09 ලෙස දිනයන් සඳහන් නොවීමෙන් අනෙකුත් ආයතනවල සමාන මට්ටමේ විශ්‍රාමික නිලධාරින්ට හිමිව තිබූ රුපියල් මිලියන 3.6 ක් වටිනා බලපත්‍රය 01/2018 (1) චක්‍රලේඛය මඟින් මෙම නිලධාරින්ට අහිමිකර ඇති බවත්;
(iv) ඒ අනුව, 2016 වර්ෂයේ සිට 2018.06.08 දක්වා විශ්‍රාම ගැන්වූ, 2015 චක්‍රලේඛය ප්‍රකාරව සුදුසුකම් සපුරා තිබූ සියලු නිලධාරින්ට මෙම බලපත්‍රය ලබාදෙන්නේද;
යන්න එතුමා මෙම සභාවට දන්වන්නෙහිද?
(ආ) නොඑසේ නම්, ඒ මන්ද?
අසන ලද දිනය
2019-09-03
අසන ලද්දේ
ගරු සුනිල් හඳුන්නෙත්ති මහතා, පා.ම.
අමාත්‍යාංශය
මුදල්
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ අටවැනි පාර්ලිමේන්තුව
සභාවාරය
3
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
