1034/’19
ගරු කනක හේරත් මහතා,— ඉඩම් සහ පාර්ලිමේන්තු ප්‍රතිසංස්කරණ අමාත්‍යතුමාගෙන් ඇසීමට,—
(අ) (i) යටියන්තොට ප්‍රාදේශීය ලේකම් කොට්ඨාසයට අයත් සීපෝත් වසම තුළ පිහිටි සෙන්ට් කැතරින් වත්ත කැළණි ග‍ඟේ ජල පෝෂක ප්‍රදේශයක් හා ගෝණුන්, මුවන් වැනි සතුන්ගේ නිජ භූමියක් වන බවත්;
(ii) දේශීය සංචාරකයන්ගේ ආකර්ෂණයට ලක් වූ ප්‍රදේශයක් බවත්;
එතුමා දන්නෙහිද?
(ආ) (i) මෙම වතුයායෙහි අක්කර 50ක කොටසක් වෙන් කර එක් පුද්ගලයෙකුට හෝ පිරිසකට ලබා දීමට කටයුතු කරන්නේද;
(ii) ඒ සඳහා ඉඩම් ප්‍රතිසංස්කරණ කොමිෂන් සභාව විසින් මැනීම් කටයුතු සිදු කරන්නේද;
(iii) එම මැනීම් කටයුතු රජයේ නිවාඩු දිනවලදී හොර රහසේ සිදු කිරීමට හේතුව කවරේද;
(iv) 2010 වර්ෂයේ සිට මෙම ප්‍රදේශය සම්බන්ධයෙන් පෞද්ගලික අංශ විසින් සිදු කරන ලද ඉල්ලීම් පාරිසරික වැදගත්කම හා එල්ල වූ ජනතා විරෝධය හේතුවෙන් ප්‍රතික්ෂේප වුවද, මෙම තත්ත්වය යටතේ එම ගැටලු නැවත උද්ගත නොවන්නේද;
යන්න එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2019-09-05
අසන ලද්දේ
ගරු කනක හේරත් මහතා, පා.ම.
අමාත්‍යාංශය
ඉඩම් සහ පාර්ලිමේන්තු ප්‍රතිසංස්කරණ
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ අටවැනි පාර්ලිමේන්තුව
සභාවාරය
3
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
