1859/’11
ගරු සිවශක්ති ආනන්දන් මහතා,— පළාත් පාලන හා පළාත් සභා අමාත්‍යතුමාගෙන් ඇසීමට,—
(අ) (i) වවුනියාව නගර සභාවට අයත් ගවමස් හා එළුමස් වෙළඳසැල් සංඛ්‍යාව කොපමණද;
(ii) එම වෙළඳසැල් පිහිටා ඇති ස්ථාන කවරේද;
යන්න එතුමා මෙම සභාවට දන්වන්නෙහිද?
(ආ) (i) පූන්තෝට්ටම්, කුරුමන්කාඩු හා වවුනියාව පොළ අසල පිහිටි ගවමස් වෙළඳ සැල් හා කුරුමන්කාඩු හා වවුනියාව පොළ අසල පිහිටි එළුමස් වෙළඳසැල් බදුදීමේදී ටෙන්ඩර් කැඳවීමක් හෝ ප්‍රසිද්ධ වෙන්දේසි කිරීමක් සිදු කළේද;
(ii) 2009, 2010 සහ 2011 වර්ෂවලදී එම එක් එක් වෙළඳසැල බදු දුන් මුදල හා බදුගත් පාර්ශ්වයන් වෙන් වෙන් වශයෙන් කවරේද;
යන්න එතුමා සඳහන් කරන්නෙහිද?
(ඇ) (i) 2011.06.29 දින පැවැති නගර සභා රැස්වීම් වාර්තා අනුව වවුනියාව පොළ අසල පිහිටි ගවමස් වෙළඳසැල එස්. කේ. කාදර් නැමැති අයට රු. 859,711.05කට හා එළුමස් වෙළඳසැල කේ. කේ. මස්තාන් නමැති අයට රු. 79,315.50කට ටෙන්ඩර් කැඳවීමකින් තොරව අඩු මුදලකට ලබා දී ඇති බවත්;
(ii) එමගින් සභාවට ඉහත වර්ෂ තුනට අදාළව රුපියල් කෝටියක පමණ අලාභයක් සිදු වී ඇති බවත්;
එතුමා පිළිගන්නෙහිද?
(ඈ) එසේ නම්, ඊට වගකිවයුත්තන්ගෙන් එම මුදල් අයකර ගැනීමට පියවර ගන්නේද යන්න එතුමා සඳහන් කරන්නෙහිද?
(ඉ) නොඑසේ නම්, ඒ මන්ද?
අසන ලද දිනය
2012-02-08
අසන ලද්දේ
ගරු අන්නාමලෙයි නඩේසු සිවශක්ති මහතා, පා.ම.
අමාත්‍යාංශය
පළාත් පාලන හා පළාත් සභා
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ හත්වැනි පාර්ලිමේන්තුව
සභාවාරය
1
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
