1314/2023
ගරු නලින් බණ්ඩාර ජයමහ මහතා,— වාරිමාර්ග අමාත්‍යතුමාගෙන් ඇසීමට,—
(අ) (i) දැදුරු ඔය ජලාශ ව්‍යාපෘතියේ ඇස්තමේන්තුගත පිරිවැය සහ අවසාන පිරිවැය වෙන් වෙන් වශයෙන් කොපමණද;
(ii) මේ වනවිට එම ව්‍යාපෘතියේ වැඩ අවසන් කර තිබේද;
(iii) එය ආරම්භ කිරීමේ අරමුණු කවරේද;
(iv) මේ වන විට එම අරමුණු ඉටු වී තිබේද;
යන්න එතුමා සඳහන් කරන්නෙහිද?
(ආ) (i) දැදුරු ඔය ජලාශයේ දකුණු ඉවුරු ඇළෙන් සහ වම් ඉවුරු ඇළෙන් මුදා හැරීමට සැලසුම් කර ඇති උපරිම ජලය ප්‍රමාණය වෙන් වෙන් වශයෙන් කොපමණද;
(ii) එම ව්‍යාපෘතිය අවසන් කිරීමෙන් පසු සැලසුම් කරන ලද පරිදි වම් ඉවුරු ඇළෙන් සහ දකුණු ඉවුරු ඇළෙන් ජලය මුදා හැරීම සිදු කරන්නේද;
(iii) දකුණු ඉවුරේ සහ වම් ඉවුරේ ව්‍යුහයන් නිසි අත්තිවාරමකින් හෝ නිසි සම්බන්ධ කිරීම්වලින් තොරව ඉදිකර ඇති බව පිළිගන්නේද;
යන්නත් එතුමා සඳහන් කරන්නෙහිද?
(ඇ) (i) ඉහත ව්‍යාපෘතියේ අපේක්ෂිත ප්‍රතිලාභ කවරේද;
(ii) එම ව්‍යාපෘතිය සඳහා ඉඩම් අත්පත් කර ගැනීමට සහ ජලයෙන් යටවන ඉඩම් සඳහා වන්දි ගෙවීමට දරන ලද පිරිවැය වෙන් වෙන් වශයෙන් කොපමණද;
යන්න තවදුරටත් එතුමා සඳහන් කරන්නෙහිද?
(ඈ) නොඑසේ නම්, ඒ මන්ද?
අසන ලද දිනය
2023-05-12
අසන ලද්දේ
ගරු නලින් බණ්ඩාර ජයමහ මහතා, පා.ම.
අමාත්‍යාංශය
වාරිමාර්ග
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ නවවැනි පාර්ලිමේන්තුව
සභාවාරය
4
දැදුරු ඔය ජලාශ ව්‍යාපෘතිය: අරමුණු සහ ප්‍රතිලාභ
පිළිතුරු දුන් දිනය
2023-06-20
විසින් පිළිතුරු දෙන ලදී
ගරු ශෂීන්ද්‍ර රාජපක්ෂ, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
