2713/’12
ගරු රවී කරුණානායක මහතා,— විදේශ කටයුතු අමාත්‍යතුමාගෙන් ඇසීමට,—
(අ) (i) 2012 මාර්තු මස ජිනීවාහි පැවති මානව හිමිකම් කවුන්සිලයට ශ්‍රී ලංකාවට එරෙහි යෝජනාවක් ගෙන ඒමට පෙර, ඇමරිකා එක්සත් ජනපද රාජ්‍ය ලේකම්වරයා සමග නිල වශයෙන් පළමු හමුවීම පැවැත්වුණු දිනය කවරේද;
(ii) එකී හමුවීමෙහි දී සාකච්ඡාවට ලක්වූ කරුණු කවරේද;
(iii) ඉහත හමුවීමෙන් අනතුරුව, ඇමරිකා එක්සත් ජනපදය විසින්ද ඉහත දැක්වූ ආකාරයේ යෝජනාවක් ගෙන එන්නට ඉඩ තිබෙන බව අපේක්ෂා කරනු ලැබුවේද;
(iv) ශ්‍රී ලාංකීය දෘෂ්ඨිකෝණයෙන් ගත් කල ඉහත කී යෝජනාව පරාජයවීමට නොසැලකිලිමත්භාවය, උද්දච්චභාවය සහ අදක්ෂතාව හේතු වූයේද;
යන්න එතුමා සඳහන් කරන්නෙහිද?
(ආ) (i) ජිනීවාහිදී සම්මතවූ යෝජනාව සම්බන්ධයෙන් අද වනවිට ප්‍රතිකර්ම වශයෙන් ගෙන ඇති පියවර කවරේද;
(ii) පැවති ස්ථාවරයට පටහැනිව යමින් 2012 මැයි මස 18 වැනි දිනදී ඇමරිකා එක්සත් ජනපද රාජ්‍ය ලේකම් හිලරි ක්ලින්ටන් මහත්මිය හමුවීමට රජය කැමැත්ත පළ කළේ මන්ද;
(iii) එහිදී සාකච්ඡා කළ කරුණු සහ එකී හමුවීමෙහි ප්‍රතිඵලයක් ලෙස දැන් ක්‍රියාත්මක වන කටයුතු කවරේද;
යන්නත් එතුමා සඳහන් කරන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2013-05-09
අසන ලද්දේ
ගරු රවී කරුණානායක මහතා, පා.ම.
අමාත්‍යාංශය
විදේශ කටයුතු
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ හත්වැනි පාර්ලිමේන්තුව
සභාවාරය
1
ජිනීවා මානව හිමිකම් කවුන්සලය : ශ්‍රී ලංකාවට එරෙහි යෝජනාව
පිළිතුරු දුන් දිනය
2014-03-19
විසින් පිළිතුරු දෙන ලදී
ගරු ජී. එල්. පීරිස්, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
