2886/’12
ගරු රවී කරුණානායක මහතා,— විදේශ කටයුතු අමාත්‍යතුමාගෙන් ඇසීමට,—
(අ) (i) ශ්‍රී ලංකාවට එරෙහිව සිදුකරගෙන ගිය පැහැදිලිවම සෘණාත්මක ජාත්‍යන්තර මාධ්‍ය ව්‍යාපාරය හේතුවෙන් ශ්‍රී ලංකා රජය මෑත අතීතයේදී අපහසුතාවයට ලක්වූ අවස්ථා තිබේද;
(ii) 2010, 2011 සහ 2012 (පෙබරවාරි-මාර්තු) වර්ෂයන්හි දී එක්සත් රාජධානියේ “චැනල් 4” මාධ්‍ය ආයතනය විසින් එවන් ව්‍යාපාරයන් සිදු කර තිබේද;
(iii) 2010 වර්ෂයේදී ගරු මහින්ද සමරසිංහ මහතා සඳහන් කළ පරිදි ඒ සම්බන්ධයෙන් එක්සත් රාජධානියේ “චැනල් 4” මාධ්‍ය ආයතනයට එරෙහිව යම් ක්‍රියාමාර්ගයක් ගෙන තිබේද;
(iv) ශ්‍රී ලංකාව සම්බන්ධයෙන් “චැනල් 4” හරහා සිදු කරන ලද යම් විකාශයන් පිළිබඳව උගත් පාඩම් හා ප්‍රතිසන්ධාන කොමිෂන් සභාව සඳහන් කර තිබේද;
යන්න එතුමා සඳහන් කරන්නෙහිද?
(ආ) (i) “චැනල් 4” මාධ්‍ය ආයතනය විසින් සිදුකරගෙන ගිය ඉහත සඳහන් කළ හානිදායක මාධ්‍ය ව්‍යාපාරය සම්බන්ධයෙන් ශ්‍රී ලංකා රජය විසින් ගෙන ඇති නිවැරදි කිරීමේ ක්‍රියාමාර්ග කවරේද;
(ii) එසේ නොමැතිනම්, එසේ නොකිරීමට හේතු කවරේද;
(iii) ලොව පුරා ශ්‍රී ලංකාවට එරෙහිව ක්‍රියාත්මකවන මාධ්‍ය ව්‍යාපාර පිළිබඳව අවදියෙන්, පරීක්ෂාකාරීව සිටින පුද්ගලයා හෝ ආයතනය කවරේද;
(iv) ශ්‍රී ලංකාවට එරෙහිව සිදුකරන ලද මෙවැනි තවත් ව්‍යාපාරයන් පැවතුණේද;
(v) “චැනල් 4” විසින් සිදුකරන ලද විකාශය උගත් පාඩම් හා ප්‍රතිසන්ධාන කොමිසම විසින් සැලකිල්ල යොමුකිරීම සම්බන්ධයෙන් ගනු ලැබූ නිවැරදි කිරීමේ ක්‍රියාමාර්ග කවරේද;
යන්න එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2013-07-12
අසන ලද්දේ
ගරු රවී කරුණානායක මහතා, පා.ම.
අමාත්‍යාංශය
විදේශ කටයුතු
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ හත්වැනි පාර්ලිමේන්තුව
සභාවාරය
1
ශ්‍රී ලංකාවට එරෙහි මාධ්‍ය ප්‍රචාර : නිවැරදි කිරීම
පිළිතුරු දුන් දිනය
2014-02-05
විසින් පිළිතුරු දෙන ලදී
ගරු ජී. එල්. පීරිස්, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
