2987/’12
ගරු අජිත් පී. පෙරේරා මහතා,— තාක්ෂණ, පර්යේෂණ හා පරමාණුක බලශක්ති අමාත්‍යතුමාගෙන් ඇසීමට,—
(අ) (i) ප්‍රමිතිය සහතික කළ භාණ්ඩයක ප්‍රමිතිය අඛණ්ඩව සුරක්ෂිත කිරීමට ශ්‍රී ලංකා ප්‍රමිති ආයතනය විසින් ගන්නා පියවර කවරේද;
(ii) ඊට අදාළ චක්‍රලේඛ, රෙගුලාසි හෝ නියමයන් තිබේ නම්, ඒවා කවරේද;
යන්න එතුමා සඳහන් කරන්නෙහිද?
(ආ) වෙළඳපලේ ඇති S.L.S ප්‍රමිති සහතිකය සහිත ඇස්බැස්ටස් සෙවිලි තහඩු වර්ගයක ප්‍රමිතිය අඩුවීම පිළිබඳ පරීක්‍ෂණ පවත්වන ලෙස බණ්ඩාරගම ජගත් චන්ද්‍ර පෙරේරා සහ බුද්ධි ජයවික්‍රම පෙරේරා යන අය විසින් 2011.09.23 දින ශ්‍රී ලංකා ප්‍රමිති ආයතනයට පැමිණිලිකර ඇති බව එතුමා දන්නෙහිද?
(ඇ) (i) ඉහත පැමිණිල්ලට අදාළව පරීක්‍ෂණයක් නොපැවැත්වීමට හේතුව කවරේද;
(ii) ඉහත සඳහන් සෙවිලි තහඩු සඳහා S.L.S ප්‍රමිතිය පිරිනැමූ දිනය කවරේද;
(iii) එම සෙවිලි තහඩුවල ප්‍රමිතිය අඛණ්ඩව පවත්වාගෙනයෑම සහතික කිරීමට ගෙන ඇති පියවර කවරේද;
යන්න එතුමා මෙම සභාවට දන්වන්නෙහිද?
(ඈ) (i) ඉහත පැමිණිල්ලෙහි සඳහන් සෙවිලි තහඩු නිෂ්පාදන සමාගම විසින් තම නිෂ්පාදනවල S.L.S ප්‍රමිතිය පවත්වාගෙන යන්නේද පිළිබඳව පරීක්‍ෂා කිරීමට 2011 වර්ෂය තුළ සිදුකළ විද්‍යාත්මක පර්යේෂණයන් කවරේද;
(ii) එම පර්යේෂණ සිදු කළ දින කවරේද;
(iii) ඊට අදාළ වාර්තා ඉදිරිපත් කරන්නේද;
යන්නත් එතුමා සඳහන් කරන්නෙහිද?
(ඉ) නොඑසේ නම්, ඒ මන්ද?
අසන ලද දිනය
2013-03-19
අසන ලද්දේ
ගරු අජිත් පී. පෙරේරා මහතා, පා.ම.
අමාත්‍යාංශය
තාක්ෂණ, පර්යේෂණ හා පරමාණුක බලශක්ති
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ හත්වැනි පාර්ලිමේන්තුව
සභාවාරය
1
SRI LANKA STANDARDS INSTITUTION : COMPLAINT ON ASBESTOS ROOFING SHEETS
පිළිතුරු දුන් දිනය
2013-03-19
විසින් පිළිතුරු දෙන ලදී
ගරු පාඨලී චම්පික රණවක, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
