3527/’13
ගරු බුද්ධික පතිරණ මහතා,— සංස්කෘතික හා කලා කටයුතු අමාත්‍යතුමාගෙන් ඇසීමට,—
(අ) (i) බලපිටිය ප්‍රාදේශීය ලේකම් කොට්ඨාසයේ පිහිටි මධ්‍යම සංස්කෘතික අරමුදලට අයත් ගරුමුණි වලව්ව පුරාවිද්‍යාත්මක වටිනාකමක් ඇති ස්ථානයක් බවත්;
(ii) එයට අයත් ගොඩනැගිලි මේ වන විට ගරා වැටෙමින් පවතින බවත්;
(iii) එම වලව්වට අයත් භුමියෙහි කොටස් බලහත්කාරයෙන් ඇතැම් පුද්ගලයින් අල්ලාගෙන සිටින බවට ප්‍රදේශයේ ජනතාව චෝදනා කරන බවත්;
එතුමා දන්නෙහිද?
(ආ) (i) ගොඩනැගිලි ප්‍රතිසංස්කරණය කිරීමෙන් පසු ගරුමුණි වලව්ව රජයට අමතර ආදායමක් උපයා ගැනීම සඳහා යොදා ගත හැකි බව පිළිගන්නේද;
(ii) එසේ නම්, එය ප්‍රතිසංස්කරණය කිරීමට කටයුතු කරන්නේද;
(iii) ඒ සඳහා ප්‍රතිපාදන වෙන් කර තිබේද;
(iv) එසේ නම්, වෙන් කර ඇති මුදල කොපමණද;
(v) ප්‍රතිසංස්කරණ කටයුතු ආරම්භ කරන දිනය කවරේද;
(vi) එම වලව්වට අයත් භූමියේ කොටස් බලහත්කාරයෙන් අල්ලාගෙන සිටින අය ඉවත් කිරීමට කටයුතු කරන්නේද;
(vii) එසේ නම්, එම දිනය කවරේද;
යන්න එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2014-02-06
අසන ලද්දේ
ගරු බුද්ධික පතිරණ මහතා, පා.ම.
අමාත්‍යාංශය
සංස්කෘතික හා කලා
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ හත්වැනි පාර්ලිමේන්තුව
සභාවාරය
1
ගරුමුණි වලව්ව : ප්‍රතිසංස්කරණය
පිළිතුරු දුන් දිනය
2014-03-06
විසින් පිළිතුරු දෙන ලදී
ගරු ටී. බී. ඒකනායක, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
