4128/’13
ගරු අනෝමා ගමගේ මහත්මිය,— ජාතික උරුමයන් අමාත්‍යතුමාගෙන් ඇසීමට,—
(අ) (i) 2013 මාර්තු මස 26 වැනි දින වැලිමඩ, අඹගස්දෝව ශ්‍රී සුමනජෝති විද්‍යාලයේ දරුවන් කොළඹ ජාතික කෞතුකාගාරය නැරඹීමට පැමිණි බවත්;
(ii) කෞතුකාගාරයේ පඩිපෙළ කඩා වැටීම නිසා ඔවුන් අනතුරකට මුහුණදුන් බවත්;
(iii) එම අනතුර නිසා පාසැල් දරුවන් සහ ගුරුවරුන් තුවාල ලැබූ බවත්;
එතුමා දන්නෙහිද?
(ආ) (i) ඉහත අනතුරින් තුවාල ලැබූ සිසුන්, ගුරුවරුන් හා වැඩිහිටියන් සංඛ්‍යාව වෙන් වෙන් වශයෙන් කොපමණද;
(ii) අනතුරට පත්වූ එම දරු දැරියන් හා ගුරුවරුන්ගේ වත්මන් තත්ත්වය කවරේද;
(iii) අනතුරට පත් එම දරු දැරියන් වෙනුවෙන් රජය ගනු ලැබූ ක්‍රියාමාර්ගය කවරේද;
(iv) අනතුරට පත්වූ මෙම දරුවන්ගේ අධ්‍යාපන කටයුතුවලට සිදු වූ බාධා පිළිබඳව නිසි විමසීමක් කර එම බාධාවලට පිළියම් යොදා තිබේද;
(v) ගොවිතැන ජීවිකාව කරගත් ඉහත අනතුරට පත්වූවන් අයත් පවුල්වලට එම අනතුර නිසා ඇති වූ අපහසුතා මඟහැරවීම සම්බන්ධයෙන් රජය අවධානය යොමු කර ඇති ආකාරය කවරේද;
යන්න එතුමා සඳහන් කරන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2014-01-22
අසන ලද්දේ
ගරු (වෛද්‍ය) අනෝමා ගමගේ මහත්මිය, පා.ම.
අමාත්‍යාංශය
ජාතික උරුමයන්
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ හත්වැනි පාර්ලිමේන්තුව
සභාවාරය
1
පිළිතුරු දුන් දිනය
2014-03-05
විසින් පිළිතුරු දෙන ලදී
ගරු ගරු ජගත් බාලසූරිය මහතා, පා.ම.,, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
