4212/’13
ගරු සුජීව සේනසිංහ මහතා,— විදුලිබල හා බලශක්ති අමාත්‍යතුමියගෙන් ඇසීමට,—
(අ) (i) කැබිනට් මණ්ඩලය සහ මහා භාණ්ඩාගාරය ලබා දුන් උපදෙස් හා තීරණ කඩ කරමින් ලංකා විදුලිබල මණ්ඩලය සිය අභිමතය පරිදි පුද්ගලික තාප බලාගාරවලින් විදුලිය මිල දී ගැනීමේ දීර්ඝකාලීන ගිවිසුම්වලට අත්සන් තබා ඇති බවත්;
(ii) පුද්ගලික තාප බලාගාරවලින් විදුලිය මිල දී ගැනීමේ දී රුපියල් කෝටි ගණනක දූෂණ හා වංචා සිදු වී ඇති බව විගණන පරීක්ෂණවලින් හෙළි වී ඇති බවත්;
(iii) එම තත්ත්වය යටතේ ලංකා විදුලිබල මණ්ඩලය තුළ සිදු වී ඇති අතිවිශාල මුදල් නාස්තිය විදුලි බිල වැඩිවීමට ප්‍රධාන හේතුවක් වී ඇති බවත්;
(iv) ලංකා විදුලිබල මණ්ඩලයේ අධ්‍යක්ෂ ධූර දරන ඇතැම් නිලධාරීන් පුද්ගලික තාප විදුලි බලාගාර කිහිපයක අධ්‍යක්ෂ මණ්ඩලයේ සාමාජිකයින් ලෙස කටයුතු කරන බවත්;
එතුමිය දන්නෙහිද?
(ආ) (i) කුලී පදනම මත පුද්ගලික අංශයෙන් වාහන ලබා ගැනීමේ දී හා ගෙවීම් සිදු කිරීමේ දී ලංකා විදුලිබල මණ්ඩලයට රුපියල් කෝටි ගණනක පාඩුවක් සිදු වී ඇති බව දන්නේද;
(ii) ලංකා විදුලිබල මණ්ඩලය විසින් කුලී පදනම මත ලබා ගත් වාහන සඳහා මසකට ගෙවන මුදල කොපමණද;
(iii) කුලී පදනම මත ලබා ගත් එම වාහන යොදා ගෙන ඇති කාර්යයන් කවරේද;
යන්න එතුමිය මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2014-02-07
අසන ලද්දේ
ගරු සුජීව සේනසිංහ මහතා, පා.ම.
අමාත්‍යාංශය
විදුලිබල හා බලශක්ති
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ හත්වැනි පාර්ලිමේන්තුව
සභාවාරය
1
පුද්ගලික තාප බලාගාරවලින් විදුලිය මිල දී ගැනීම : මුදල් නාස්තිය
පිළිතුරු දුන් දිනය
2014-02-07
විසින් පිළිතුරු දෙන ලදී
ගරු නීතිඥ පවිත්‍රාදේවී වන්නිආරච්චි, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
