4507/’13
ගරු සුජීව සේනසිංහ මහතා,— මහාමාර්ග, වරාය හා නාවික අමාත්‍යතුමාගෙන් ඇසීමට,—
(අ) (i) හම්බන්තොට වරාය ආරම්භ කළ දින සිට මේ දක්වා එහි නඩත්තු කටයුතු වෙනුවෙන් වැය වූ මුදල කොපමණද;
(ii) හම්බන්තොට වරාය තුළින් රුපියල් මිලියන 420 ක ආදායමක් ලැබී ඇති බව සනාථ කරන්නේද;
(iii) එම වරාය ඔස්සේ වාහන ආනයනය කිරීමෙන් හා ප්‍රති අපනයනයෙන් මෙතෙක් උපයා ඇති ආදායම කොපමණද;
යන්න එතුමා සඳහන් කරන්නෙහිද?
(ආ) (i) හම්බන්තොට වරායේ කටයුතු ආරම්භ කිරීමට පෙර සියලු අපනයන හා ප්‍රති-අපනයනගත වාහන ගොඩබෑම හා නැව්ගත කිරීම සිදුකරනු ලැබුවේ කොළඹ වරායේ බවත්;
(ii) සාධාරණ හේතුවක් නොමැතිව එම කටයුතු කොළඹ වරායෙන් ඉවත් කර හම්බන්තොට වරාය වෙත ගෙන යාමෙන් වාහන ආනයනකරුවන්ට වැඩි පිරිවැයක් දැරීමට සිදුවන බවත්;
එතුමා පිළිගන්නෙහිද?
(ඇ) (i) හම්බන්තොට වරායට නුදුරින්, ජාත්‍යන්තර මුහුදු මාර්ගය ඔස්සේ දිනකට නැව් 400ක් පමණ යාත්‍රා කරනු ලබන්නේද;
(ii) එම නැව් අතරින් ඉන්ධන ලබා ගැනීම සඳහා හම්බන්තොට වරායට පැමිණෙන නැව් සංඛ්‍යාව කොපමණද;
යන්න එතුමා මෙම සභාවට දන්වන්නෙහිද?
(ඈ) නොඑසේ නම්, ඒ මන්ද?
අසන ලද දිනය
2014-08-07
අසන ලද්දේ
ගරු සුජීව සේනසිංහ මහතා, පා.ම.
අමාත්‍යාංශය
මහාමාර්ග, වරාය හා නාවික
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ හත්වැනි පාර්ලිමේන්තුව
සභාවාරය
1
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
