4662/’13
ගරු ඉරාන් වික්‍රමරත්න මහතා,— මුදල් හා ක්‍රම සම්පාදන අමාත්‍යතුමාගෙන් ඇසීමට,—
(අ) (i) 2013 වර්ෂයේ ජනවාරි මස සිට සැප්තැම්බර් මස දක්වා සුරාබදු දෙපාර්තමේන්තුව විසින් නිකුත් කරන ලද මත්පැන් බලපත්‍ර සංඛ්‍යාව කොපමණද;
(ii) 2008 වර්ෂයේ ජනවාරි සිට 2013 වර්ෂයේ සැප්තැම්බර් දක්වා කාල සීමාව වෙනුවෙන් මත්පැන් බලපත්‍ර නිකුත් කරන ලද සමාගම් වෙතින් රැස් කර ගන්නා ලද සුරා බදු ප්‍රමාණය වාර්ෂික පදනමින් කොපමණද;
යන්න එතුමා සඳහන් කරන්නෙහිද?
(ආ) (i) මත්පැන් බලපත්‍ර නිකුත් කරනු ලදුව, 2012 සහ 2013 වර්ෂ වෙනුවෙන් සුරා බදු ගෙවීම් පැහැර හරින ලද කවර හෝ සමාගම් තිබේද;
(ii) එසේ නම්, එම ගෙවීම් පැහැර හරින ලද සමාගම්වල නම් කවරේද;
(iii) එකී එක් එක් සමාගමෙන් අයවිය යුතු මුළු සුරා බදු හිඟ මුදල කොපමණද;
(iv) ඉහත සඳහන් කරන ලද කවර හෝ සමාගමක මත්පැන් බලපත්‍ර සුරාබදු දෙපාර්තමේන්තුව විසින් අලුත් කරනු ලැබ තිබේද;
(v) එසේ නම්, එම සමාගම්වල නම් කවරේද;
යන්න එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2014-07-08
අසන ලද්දේ
ගරු ඉරාන් වික්‍රමරත්න මහතා, පා.ම.
අමාත්‍යාංශය
මුදල් හා ක්‍රමසම්පාදන
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ හත්වැනි පාර්ලිමේන්තුව
සභාවාරය
1
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
