4907/’14
ගරු තිස්ස අත්තනායක මහතා,— පුනරුත්ථාපන හා බන්ධනාගාර ප්‍රතිසංස්කරණ අමාත්‍යතුමාගෙන් ඇසීමට,—
(අ) (i) මහර බන්ධනාගාරය තුළ රඳවා සිටින මුළු රැඳවියන් සංඛ්‍යාව;
(ii) ඔවුන් අතරින් සැකකරුවන් ලෙස එහි රඳවා සිටින සංඛ්‍යාව;
(iii) සිරකරුවන් ලෙස රඳවා සිටින සංඛ්‍යාව;
කොපමණද යන්න එතුමා මෙම සභාවට දන්වන්නෙහිද?
(ආ) (i) මහර බන්ධනාගාරයේ “එල්” සහ “එන්” යන රැඳවුම් ශාලා දෙක සැකකරුවන් රඳවා තැබීමට යොදා ගන්නා බවත්;
(ii) එම ශාලාවල අධික තදබදයක් පවතින බවත්;
(iii) එහි වැසිකිළි පහසුකම් සහ බීමට හා නෑමට අවශ්‍ය ජල පහසුකම් අවම මට්ටමක පවතින බවත්;
(iv) ඉහත තත්ත්වයන් හේතුවෙන් එම ශාලාවල රැඳවියන් ඉතා පීඩාකාරී තත්ත්වයකට පත්වී ඇති බවත්;
එතුමා දන්නෙහිද?
(ඇ) මහර බන්ධනාගාරයේ රැඳවුම් ස්ථාන තුළ පවත්නා තදබදය අවම කිරීම සඳහා ගනු ලබන ක්‍රියාමාර්ග කවරේද යන්න එතුමා සඳහන් කරන්නෙහිද?
(ඈ) (i) මහර බන්ධනාගාරයේ වත්මන් අධිකාරීවරයාගේ නම කවරේද;
(ii) එම බන්ධනාගාරය තුළ සේවය කරනු ලබන මුළු සේවක පිරිස කොපමණද;
(iii) මහර බන්ධනාගාරයේ අධිකාරීවරයා ඇතුළු සේවක පිරිස එහි රැඳවියන්ට අමානුෂික ආකාරයෙන් සලකන බවට වන චෝදනාවෙහි කිසියම් සත්‍යතාවයක් තිබේද;
(iv) එසේ නම්, ඒ සම්බන්ධයෙන් ගනු ලබන ක්‍රියාමාර්ග කවරේද;
යන්නත් එතුමා මෙම සභාවට දන්වන්නෙහිද?
(ඉ) නොඑසේ නම්, ඒ මන්ද?
අසන ලද දිනය
2014-08-22
අසන ලද්දේ
ගරු තිස්ස අත්තනායක මහතා, පා.ම.
අමාත්‍යාංශය
පුනරුත්ථාපන හා බන්ධනාගාර ප්‍රතිසංස්කරණ
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ හත්වැනි පාර්ලිමේන්තුව
සභාවාරය
1
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
