4920/’14
ගරු තිස්ස අත්තනායක මහතා,— ක්‍රීඩා අමාත්‍යතුමාගෙන් ඇසීමට,—
(අ) (i) 2006.02.28 දින රංගිරි දඹුලු ජාත්‍යන්තර ක්‍රිකට් ක්‍රීඩාංගණයේ ස්ථිර සේවයට බඳවා ගත් කම්කරුවන් පිරිසක් 2011.12.31 දින සේවයෙන් ඉවත් කරන ලද බවත්;
(ii) ඔවුන්ට රු.250,000.00 ක වන්දි මුදලක් ලබා දී ඇති බවත්;
(iii) එම ක්‍රීඩාංගණයේ පුරප්පාඩු සම්පූර්ණ කිරීමේදී එම සේවකයන්ට ප්‍රමුඛතාවය ලබා දෙන බවට ශ්‍රී ලංකා ක්‍රිකට් ආයතනය විසින් අධිකරණය හමුවේ පොරොන්දුවක් ලබා දුන් බවත්;
(iv) එසේ වුවද, ඔවුන් නොසලකා හැර සිවිල් ආරක්ෂක බලකායේ 24 දෙනෙකු එම ක්‍රීඩාංගණයේ සේවයට බඳවා ගෙන ඇති බවත්;
එතුමා දන්නෙහිද?
(ආ) ඉහත (අ) (i) හි සඳහන් කම්කරුවන්ගේ නම් එතුමා සභාගත කරන්නෙහිද?
(ඇ) (i) එම ක්‍රීඩාංගණයේ සේවයේ නියුතු මුළු සේවකයින් සංඛ්‍යාව කොපමණද;
(ii) සේවයෙන් ඉවත් කරන ලද සේවකයින්ට ගෙවන ලද මාසික වැටුප කොපමණද;
(iii) ඔවුන් සේවයෙන් ඉවත් කිරීමට බල පෑ හේතු කවරේද;
(iv) ඉහත (අ) (iv) හි සඳහන් පිරිස බඳවා ගැනීම සඳහා විශේෂ සම්මුඛ පරීක්ෂණය පැවැත්වූ දිනය කවරේද;
(v) නැවත බඳවා ගැනීමේදී ඉවත් කළ පිරිස වෙනුවෙන් ප්‍රමුඛතාවය ලබා නොදීම නිසා ඔවුන් දැඩි අසාධාරණයකට ලක් වූ බව පිළිගන්නේද;
(vi) එසේ නම්, ඒ සම්බන්ධයෙන් ගනු ලබන ක්‍රියාමාර්ග කවරේද;
යන්න එතුමා මෙම සභාවට දන්වන්නෙහිද?
(ඈ) නොඑසේ නම්, ඒ මන්ද?
අසන ලද දිනය
2014-09-10
අසන ලද්දේ
ගරු තිස්ස අත්තනායක මහතා, පා.ම.
අමාත්‍යාංශය
ක්‍රීඩා
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ හත්වැනි පාර්ලිමේන්තුව
සභාවාරය
1
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
