154/’15
ගරු ඩලස් අලහප්පෙරුම මහතා,— රාජ්‍ය පරිපාලන හා කළමනාකරණ අමාත්‍යතුමාගෙන් ඇසීමට,—
(අ) 2015 ජනවාරි මස 10 දින සිට 2015 සැප්තැම්බර් මස 30 දින දක්වා ශ්‍රී ලංකාවේ රාජ්‍ය සේවයට හා රජයට අනුබද්ධ ආයතනවලට බඳවා ගනු ලැබූ සේවක සංඛ්‍යාව කොපමණද යන්න එතුමා මෙම සභාවට දන්වන්නෙහිද?
(ආ) (i) ඉහත (අ)හි සඳහන් කාලය තුළ බඳවාගත් සේවකයින් සංඛ්‍යාව අදාළ ආයතනය අනුව වෙන් වෙන් වශයෙන් කවරේද;
(ii) එම පිරිස ආයතනගත කරනු ලැබූ පදනම කවරේද;
(iii) ස්ථිර, අනියම් සහ කොන්ත්‍රාත් යන පදනම් අනුව බඳවාගත් සේවකයින් සංඛ්‍යාව වෙන් වෙන් වශයෙන් කවරේද;
(iv) ඉහත (අ)හි සඳහන් පිරිස අතරින් 2015 ජූනි මස 28 දිනට පසුව බඳවා ගනු ලැබූ සේවකයින් සංඛ්‍යාව කොපමණද;
(v) ඔවුන් අයත් වන ආයතන කවරේද;
(vi) එම සේවකයින් සංඛ්‍යාව ආයතනය අනුව වෙන් වෙන් වශයෙන් කවරේද;
යන්නත් එතුමා මෙම සභාවට දන්වන්නෙහිද?
(ඇ) ඉහත (අ)හි සඳහන් කාල පරිච්ඡේදය තුළ සියලු බඳවාගැනීම් සිදු කරනු ලැබුවේ තරඟ විභාගයකින්ද නැතහොත්, සම්මුඛ පරීක්ෂණයකින්ද යන්න තවදුරටත් එතුමා මෙම සභාවට දන්වන්නෙහිද?
(ඈ) නොඑසේ නම්, ඒ මන්ද?
අසන ලද දිනය
2015-12-01
අසන ලද්දේ
ගරු ඩලස් අලහප්පෙරුම මහතා, පා.ම.
අමාත්‍යාංශය
රාජ්‍ය පරිපාලන හා කළමනාකරණ
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ අටවැනි පාර්ලිමේන්තුව
සභාවාරය
1
රාජ්‍ය සේවයට බඳවා ගැනීම: විස්තර
පිළිතුරු දුන් දිනය
2015-12-01
විසින් පිළිතුරු දෙන ලදී
ගරු රෝහිත අබේගුණවර්ධන, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
