422/’16
ගරු විජිත හේරත් මහතා,— මුදල් අමාත්‍යතුමාගෙන් ඇසීමට,—
(අ) (i) 2015 ජනාධිපතිවරණයේදී රජයේ සේවකයන්ට ලබාදීමට පොරොන්දු වූ රු.10,000/=ක මුදලින් රාජ්‍ය පරිපාලන චක්‍රලේඛ අංක 5/2015 අනුව රාජ්‍ය, සංස්ථා, මණ්ඩල, පළාත් ආයතන හා රජය සතු සමාගම්වලට ලබාදුන් රු.8000/=ක මුදල රාජ්‍ය ව්‍යාපෘතිවල කාර්ය මණ්ඩලවලට ලැබී නොමැති බවත්;
(ii) පෙර වැටුප් වැඩිවීම්වලදී ව්‍යාපෘතිවල සේවකයින්ටද එම වැටුප් වැඩිවීම් ලබාදීමට මුදල් අමාත්‍යාංශය කටයුතු කළ බවත්;
එතුමා දන්නෙහිද?
(ආ) (i) ඉහත අ (i) අනුව වැටුප් වැඩිවීම ලබා දී මාස 10ක කාලයක් ගතවී ඇතත්, ව්‍යාපෘති කාර්ය මණ්ඩලවලට එය ලබා නොදීමට බලපෑ හේතු කවරේද;
(ii) එම වැටුප් වැඩිවීම ව්‍යාපෘති සේවකයින්හට ලබාදීම සඳහා දැනට ගෙන ඇති පියවර කවරේද;
(iii) අදාළ වැටුප් වැඩිවීම රාජ්‍ය ව්‍යාපෘති කාර්ය මණ්ඩල සඳහා කඩිනමින් ලබාදීමට පියවර ගන්නේද;
(iv) දැනට වසර 02ක කාලයක් පුරා අත්හිටුවා ඇති ව්‍යාපෘතිවලට අදාළව සකස් කොට ඇති යෝජිත කළමනාකරණ සේවා දෙපාර්තමේන්තු චක්‍රලේඛය ක්‍රියාත්මක කරනු ලබන දිනය කවරේද;
යන්න එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2016-04-08
අසන ලද්දේ
ගරු විජිත හේරත් මහතා, පා.ම.
අමාත්‍යාංශය
මුදල්
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ අටවැනි පාර්ලිමේන්තුව
සභාවාරය
1
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
