0299/'10
ගරු හරින් ප්‍රනාන්දු මහතා,— රාජ්‍ය සම්පත් හා ව්‍යවසාය සංවර්ධන අමාත්‍යතුමාගෙන් ඇසීමට,—
(අ) (i) අමාත්‍ය මණ්ඩල සංදේශයක් මගින් ලබා ගත් අවසරයක් මත ජනතා වතු සංවර්ධන මණ්ඩලයට අයත්ව තිබූ, කොළඹ 02 වොක්ෂෝල් පටුමගෙහි අංක 53/75 දරන ස්ථානයේ පිහිටි පර්චස් 100 ක පමණ වූ ඉඩම් කොටස රුපියල් මිලියන 300 කට විකුණා ඇති බවත්;
(ii) මෙම ඉඩම විකිණීමට අමාත්‍ය මණ්ඩල අවසරය ලබාගත්තේ ජනවසම සේවකයින්ගේ සහ නිලධාරීන්ගේ හිඟ අර්ථසාධක අරමුදල් සහ සේවක අර්ථසාධක අරමුදලට ගෙවිය යුතු මුදල් හා පාරිතෝශික ගෙවීම සඳහා බවත්;
එතුමා දන්නෙහිද?
(ආ) (i) එම අර්ථසාධක අරමුදල් ගෙවා නිම කිරීම සඳහා අවශ්‍ය මුදල් ප්‍රමාණය;
(ii) ඉහත සඳහන් රුපියල් මිලියන 300 යෙන් අර්ථසාධක වශයෙන් ගෙවූ මුදල් ප්‍රමාණය;
(iii) අර්ථසාධක වශයෙන් තවදුරටත් ගෙවිය යුතු මුදල් ප්‍රමාණය;
කොපමණද යන්න එතුමා සඳහන් කරන්නෙහිද?
(ඇ) (i) ජනතා වතු සංවර්ධන මණ්ඩලය පසුගිය වර්ෂයේදී අලාභ ලැබුවේද;
(ii) එසේ අලාභ ලැබීමට හේතුව කුමක්ද;
(iii) එසේ නම්, එම වර්ෂයේ අලාභය සහ මෙම වර්ෂයේ මැයි මස දක්වා ලාභය හෝ අලාභය කොපමණද;
(iv) ආයතනය අලාභ ලැබීම අර්ථසාධක අරමුදල් නොගෙවීමට හේතු වීද;
යන්න එතුමා ප්‍රකාශ කරන්නෙහිද?
(ඈ) නොඑසේ නම්, ඒ මන්ද?
අසන ලද දිනය
2010-09-08
අසන ලද්දේ
ගරු හරීන් ප්‍රනාන්දු මහතා, පා.ම.
අමාත්‍යාංශය
රාජ්‍ය සම්පත් සහ ව්‍යවසාය සංවර්ධන
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ හත්වැනි පාර්ලිමේන්තුව
සභාවාරය
1
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
