503/’16
ගරු චතුර සංදීප සේනාරත්න මහතා,— රාජ්‍ය පරිපාලන හා කළමනාකරණ අමාත්‍යතුමාගෙන් ඇසීමට,—
(අ) (i) රජයේ භාෂා පරිවර්තක සේවයේ විශේෂ පන්තියට උසස් කිරීමේ විභාගය 1999 වසරින් පසු මෙතෙක් පවත්වා නොමැති බවත්;
(ii) ඒ හේතුකොට ගෙන එකී විශේෂ පන්තියේ තනතුරු මේ වනවිට මුළුමනින්ම පුරප්පාඩු වී ඇති බවත්;
(iii) වසර 16කට වැඩි කාලයක් පුරා පවතින එකම උසස්වීමේ අවස්ථාවද අහිමි කිරීමෙන් නිලධාරීන්හට බලවත් අසාධාරණයක් සිදුවී ඇති බවත්;
එතුමා දන්නෙහිද?
(ආ) (i) අංක 06/2006 දරන රාජ්‍ය පරිපාලන චක්‍රලේඛයෙන් 2006.01.01 දින සිට එම සේවයේ විශේෂ පන්තිය සේවා තත්ත්වයෙන් පහත හෙළන ලද බවත්;
(ii) ඒ අනුව, දීපව්‍යාප්ත සේවා මට්ටමේ තිබූ එම පන්තිය 2006 වසරේ සිට කළමණාකරන සහකාර අධි පන්තියටද පහළින් ස්ථානගත කරන ලද බවත්;
(iii) එම තත්ත්වය නිලධාරීන් සේවය හැරයාමටත්, උග්‍ර නිලධාරී හිඟයක් ඇති කිරීමටත් හේතුවී ඇති බවත්;
එතුමා පිළිගන්නෙහිද?
(ඇ) (i) උසස්වීමේ අවස්ථාව අහිමි වූ එම නිලධාරීන්ට ලබාදෙන සහනය කවරේද;
(ii) නව සේවා ව්‍යවස්ථා කෙටුම්පතෙන් විශේෂ පන්තිය සඳහා 2006 වසරට පෙර පැවති සේවා තත්ත්වය නැවත ලබාදීමට පියවර ගන්නේද;
(iii) එසේ නම්, එම ප්‍රතිපාදනයන් වහා ක්‍රියාත්මක කිරීමට පියවර ගන්නේද;
යන්න එතුමා මෙම සභාවට දන්වන්නෙහිද?
(ඈ) නොඑසේ නම්, ඒ මන්ද?
අසන ලද දිනය
2016-05-18
අසන ලද්දේ
ගරු චතුර සංදීප සේනාරත්න මහතා, පා.ම.
අමාත්‍යාංශය
රාජ්‍ය පරිපාලන හා කළමනාකරණ
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ අටවැනි පාර්ලිමේන්තුව
සභාවාරය
1
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
