ගරු ශාන්ති ශ්‍රීස්කන්දරාසා මහත්මිය,— රාජ්‍ය පරිපාලන හා කළමනාකරණ අමාත්‍යතුමාගෙන් ඇසීමට,—
(අ) (i) යුද්ධය පවතින අවස්ථාවේ ඇතිවූ අසාමාන්‍ය වටපිටාව හේතුවෙන් රාජ්‍ය සේවකයන් බොහොමයක් විදේශ රටවල රැකවරණය පැතූ බවත්;
(ii) ඔවුන්ට සහන සැලසීම සඳහා 2006.02.16 දිනැති අංක 4/2006 දරන රාජ්‍ය පරිපාලන චක්‍රලේඛය නිකුත්වන අවස්ථාවේ යුද්ධය ඉතාමත් දරුණු තත්ත්වයක පැවැති බවත්;
(iii) 2013.10.31 දිනැති අංක 4/2006(1) දරන චක්‍රලේඛයෙන් මෙකී සහන ලබාගැනීම පිණිස අභියාචනා කිරීම සඳහා ලබාදී තිබුනේ මාස දෙකක කෙටි කාලයක් බැවින්, බොහෝ දෙනෙක් ඒ පිළිබඳව දැනුවත්ව නොසිටි බවත්;
(iv) අභියාචනා ප්‍රතික්ෂේප වූවිට ආරක්ෂක අංශයේ වාර්තා ඉල්ලා සිටින ලද බවත්;
(v) මෙම තත්ත්වය හේතුවෙන් පීඩාවට පත් බොහෝදෙනෙකුට සහන නොලැබුණු බවත්;
එතුමා දන්නෙහිද?
(ආ) (i) වර්තමානයේ පවතින සාමකාමී වටපිටාව තුළ මාස 5ක පමණ කාලයක් ලබා දී ඒ සම්බන්ධයෙන් ප්‍රචාරය කිරීමටත්;
(ii) පීඩාවට පත් පුද්ගලයන්ගේ නියෝජනයක් සහිතව පරීක්ෂණ කමිටුවක් පත්කිරීමටත්;
(iii) ආරක්ෂක අංශයේ මැදිහත්වීම නතර කිරීමටත්;
(iv) කඩිනමින් සහන සැලසීමටත්;
පියවර ගන්නේද යන්න එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2016-12-08
අසන ලද්දේ
ගරු ශාන්ති ශ්‍රීස්කන්දරාසා මහත්මිය, පා.ම.
අමාත්‍යාංශය
රාජ්‍ය පරිපාලන හා කළමනාකරණ
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ අටවැනි පාර්ලිමේන්තුව
සභාවාරය
1
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
