ගරු ශාන්ති ශ්‍රීස්කන්දරාසා මහත්මිය,— රාජ්‍ය පරිපාලන හා කළමනාකරණ අමාත්‍යතුමාගෙන් ඇසීමට,—
(අ) (i) යුදමය තත්ත්වය හේතුවෙන්, රාජකාරියේ යෙදී සිටියදී මියගිය/ආබාධිත වූ නිලධාරින්ට වන්දි ගෙවීම සඳහා අංක 21/88 සහ 59/89 දරන චක්‍රලේඛ නිකුත් කළ බවත්;
(ii) ඉන් අනතුරුව, 2005.05.04 දිනැති අංක 22/93 (iii) දරන චක්‍රලේඛය මඟින් අවසන් වරට ලැබූ වැටුප පදනම් කරගෙන මාස 120ක වැටුප වන්දියක් ලෙස ගෙවීමට කටයුතු යෙදූ බවත්;
(iii) එසේ වුවද, අංක 21/88 සහ 59/89 දරන චක්‍රලේඛ යටතේ (REPPIA) සහන ලැබූවන්ට, ඉහත (ii) හි සඳහන් චක්‍රලේඛයන්හි විධිවිධාන අදාළ නොවීම හේතුවෙන් පීඩාවට පත්වූ පවුල් විශාල ප්‍රමාණයකට සැළකිය යුතු සහන හිමි නොවූ බවත්;
(iv) මේ වනවිට සහන ඉල්ලා සිටීමේදී ආරක්ෂක අංශවල ආරක්ෂක නිශ්කාෂණ වාර්තා ඉදිරිපත් කළ යුතු බවට කොන්දේසි ඉදිරිපත් කරන බවත්;
එතුමා දන්නෙහිද?
(ආ) (i) උක්ත කාරණය සම්බන්ධයෙන් අංක 21/88, 59/89, 22/93 හා 22/93 (iii) දරන චක්‍රලේඛ හා බැඳුනු නව චක්‍රලේඛයක් නිකුත් කිරීමටත්;
(ii) නිලධාරියාට වයස අවුරුදු 55 සම්පූර්ණ වනතුරු මියගිය නිලධාරියාගේ පවුලට වැටුප සහ වන්දි මුදලක් ගෙවීමටත්;
(iii) ආරක්ෂක අංශවලින් ලබාගත යුතු ආරක්ෂක නිශ්කාෂණ වාර්තාවලින් නිදහස් කිරීමටත්;
පියවර ගන්නේද යන්න එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2017-01-25
අසන ලද්දේ
ගරු ශාන්ති ශ්‍රීස්කන්දරාසා මහත්මිය, පා.ම.
අමාත්‍යාංශය
රාජ්‍ය පරිපාලන හා කළමනාකරණ
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ අටවැනි පාර්ලිමේන්තුව
සභාවාරය
1
යුදමය තත්ත්වය හේතුවෙන් මිය ගිය/ආබාධිත වූ නිලධාරින්: වන්දි
පිළිතුරු දුන් දිනය
2017-01-25
විසින් පිළිතුරු දෙන ලදී
ගරු සුසන්ත පුංචිනිලමේ, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
