487/’18
ගරු ඉ. චාල්ස් නිර්මලනාදන් මහතා,— තැපැල්, තැපැල් සේවා හා මුස්ලිම් ආගමික කටයුතු අමාත්‍යතුමාගෙන් ඇසීමට,—
(අ) (i) මුලතිව් දිස්ත්‍රික්කයේ ක්‍රියාත්මක වූ දිස්ත්‍රික් තැපැල් අධිකාරි කාර්යාලය යුද සමයේදී වසා දැමූ බවත්;
(ii) නැවත පදිංචි කිරීම් කටයුතු ආරම්භ වීමෙන් පසු අනෙකුත් සියලු කාර්යාල නැවත ආරම්භ කළද, මෙම කාර්යාලය පමණක් මේ දක්වා ආරම්භ කර නොමැති බවත්;
(iii) එබැවින්, කිලෝ මීටර් 100ක් පමණ ඈතින් පිහිටි වවුනියාව දිස්ත්‍රික් තැපැල් කාර්යාලයට ගොස් තමන්ගේ තැපෑලට අදාළ ගැටලු ඉදිරිපත් කිරීමේ ඉතා අසීරු තත්ත්වයට මුලතිව් දිස්ත්‍රික් ජනතාව මුහුණ දී සිටින බවත්;
(iv) මෙම කාර්යාලය නැවත ආරම්භ කිරීම සම්බන්ධයෙන් මා විසින් 2017.07.07 දිනැතිව ලිඛිත ඉල්ලීමක් යොමුකළ බවත්;
එතුමා දන්නෙහිද?
(ආ) එසේ නම්, මුලතිව් දිස්ත්‍රික් තැපැල් අධිකාරි කාර්යාලය ඉතා කඩිනමින් නැවත විවෘත කිරීමට කටයුතු කරන්නේද යන්න එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2018-06-21
අසන ලද්දේ
ගරු චාල්ස් නිර්මලනාදන් මහතා, පා.ම.
අමාත්‍යාංශය
තැපැල් සේවා හා මුස්ලිම් ආගමික කටයුතු
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ අටවැනි පාර්ලිමේන්තුව
සභාවාරය
2
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
