2025-02-17
පුවත් කාණ්ඩ : පුවත්
පළාත් පාලන ආයතන ජන්ද විමසීම් (විශේෂ විධිවිධාන) පනත් කෙටුම්පත අද (පෙබ. 17) පාර්ලිමේන්තුවේ සංශෝධන රහිතව විශේෂ බහුතරයකින් සම්මත විය.
මෙම පනත් කෙටුම්පතට අදාළ දෙවනවර කියවීමේ විවාදය අද පස්වරු 2.00 සිට සවස 7.00 දක්වා පැවැත්විණි. ඉන් අනතුරුව පැවති දෙවනවර කියවීමට අදාළ ඡන්ද විමසීමේදී ඊට පක්ෂව ඡන්ද 187 ක් හිමිවූ අතර විපක්ෂව ඡන්දය භාවිත නොවිණි. කාරක සභා අවස්ථාවේදී පනත් කෙටුම්පත සලකා බැලීමෙන් අනතුරුව පැවති තෙවන වර කියවීමේ ඡන්ද විමසීමේදී ඊට පක්ෂව ඡන්ද 158 ක් හිමි විය. විපක්ෂව කිසිදු ඡන්දයක් නොලැබුණි. මේ අනුව පළාත් පාලන ආයතන ජන්ද විමසීම් (විශේෂ විධිවිධාන) පනත් කෙටුම්පත දෙවැනිවර සහ තෙවැනිවර කියවීමේදී පාර්ලිමේන්තුවේ විශේෂ බහුතරයකින් සම්මත විය.
2025-10-24
2025 සාහිත්‍ය මාසයට සමගාමීව කලා සහ සංස්කෘතික කටයුතු පිළිබඳ පාර්ලිමේන්තු සංසදයේ මූලිකත්වයෙන් “පළිඟු රෑන” වේදිකා නාට්‍යය ඊයේ (ඔක්. 23) ශ්‍රී ලංකා පාර්ලිමේන්තු පරිශ්‍රයේ තඹ දොර අබියස උත්සව ශාලාවේදී (Memorial Hall) සවස 7 සිට සාර්ථක ලෙස වේදිකා ගතවිය. ඒ ආචාර්ය හරිනි අමරසූරිය ගරු අග්‍රාමාත්‍යතුමියගේ ප්‍රධානත්වයෙනි. මේ අවස්ථාව සඳහා ගරු කථානායක වෛද්‍ය ජගත් වික්‍රමරත්න මහතාද සහභාගී විය.නාට්‍ය ආරම්භයට පෙර කලා සහ සංස්කෘතික කටයුතු පිළිබඳ පාර්ලිමේන්තු සංසදයේ සම සභාපති ගරු පාර්ලිමේන්තු මන්ත්‍රී නීතිඥ නිලන්ති කොට්ටහච්චි මහත්මිය සහ සංසදයේ සාමාජික ගරු පාර්ලිමේන්තු මන්ත්‍රී (මහාචාර්ය) සේන නානායක්කාර මහතා විසින් ප්‍රේක්ෂකයින් වෙත නාට්‍ය පිළිබඳව කෙටි හැඳින්වීමක් සිදු කරන ලදී.මෙලෙස වේදිකාගත කෙරුණු මෙම “පළිඟු රෑන” වේදිකා නාට්‍ය ප්‍රකට ඇමරිකානු නාට්‍යකරු Tennessee Williams ගේ The Glass Menagerie නම් විශිෂ්ට ගණයේ වේදිකා නාට්‍ය පදනම් කරගෙන නිෂ්පාදනය කර ඇත.ශ්‍රී ලංකීය සම්මානීය නාට්‍යකරු හෙන්රි ජයසේන මහතා විසින් සිංහලට පරිවර්ථනය කරමින් රචනා කල මෙම “පළිඟු රෑන” වේදිකා නාට්‍ය, පුජිත ද මෙල් මහතා විසින් අධ්‍යක්ෂණය කර ඇත. ප්‍රවීණ රංගන ශිල්පිනී චාන්දනී සෙනෙවිරත්න ඇතුළු ක්ෂේවියර් කනිෂ්ක, මනුෂි ටානියා, බිම්සර සිල්වා යන රංගන ශිල්පින්ගේ රංගන දායකත්වය ලබා මෙය මෙම නාට්‍ය වේදිකාගත කෙරිණි.මෙහිදී අදහස් දැක්වූ ආචාර්ය හරිනි අමරසූරිය ගරු අග්‍රමාත්‍යතුමිය කලාව හා සෞන්දර්ය පිළිබඳව සංවේදී වීම ඔස්සේ පුද්ගලයෙකුගේ ජීවිතය යහපත්වන බවත් සංස්කෘතියක් නොමැතිව පොහොසත් රටක් නිර්මාණය කල නොහැකි බවත් පැවසුවාය. සමාජය දෙස විවිධ කෝණයන්ගෙන් බැලීමට මෙවැනි කලා කටයුතු වලින් විශාල මෙහෙයක් සිදුවන බව පෙන්වා දුන් ගරු අග්‍රාමාත්‍යවරිය මෙම වේදිකා නාට්‍ය සංවිධානය කල, කලා සහ සංස්කෘතික කටයුතු පිළිබඳ පාර්ලිමේන්තු සංසදයට සිය ප්‍රශංසාව පළකලාය.එමෙන්ම මෙහිදී අදහස් දක්වමින් බුද්ධශාසන, ආගමික සහ සංස්කෘතික කටයුතු ගරු අමාත්‍ය (ආචාර්ය) හිනිදුම සුනිල් සෙ‍නෙවි මහතා පාර්ලිමේන්තුව යනු රළු තැනක් නොව, පුද්ගලයන්ට සංවේදී ස්ථානයක් බව විදහා දැක්වෙන විශේෂ අවස්ථාවක් බවත් මානව සම්බන්ධතා තවදුරටත් රැකගැනීමට පවතින සුවිශේෂිතම දෙයක් ලෙස මෙවැනි කලා කටයුතු හඳුන්වාදිය හැකි බවත් පැවසුවේය.මේ අතර ශ්‍රී ලංකාවේ කලා සහ සංකෘතික කටයුතු ප්‍රවර්ධනය හා වෙනුවෙන් කලා සහ සංස්කෘතික කටයුතු පිළිබඳ පාර්ලිමේන්තු සංසදයේ දායකත්වය ඉදිරියේදී ලබාදීමට වැඩසටහන් රැසක් සුදානම් කර ඇති බව එම සංසදයේ සාමාජික ගරු මන්ත්‍රීවරයන් මෙහිදී අදහස් දක්වමින් පැවසුහ.මේ අවස්ථාව සඳහා ගරු නියෝජ්ය කථානායක වෛද්‍ය රිස්වි සාලි, ගරු නියෝජ්ය කාරක සභා සභාපති හේමාලි වීරසේකර, විපක්ෂයේ ගරු ප්‍රධාන සංවිධයක ගයන්ත කරුණාතිලක යන මහත්ම මහත්මීන්, ගරු අමාත්‍යවරුන්, ගරු නියෝජ්ය අමාත්‍යවරුන්, කලා සහ සංස්කෘතික කටයුතු පිළිබඳ පාර්ලිමේන්තු සංසදයේ සභාපති ගරු පාර්ලිමේන්තු මන්ත්‍රී ජගත් මනුවර්ණ මහතා ඇතුළු නියෝජ්ය සම සභාපතිවරුන් වන ගරු පාර්ලිමේන්තු මන්ත්‍රී රුවන් මාපලගම, නීතිඥ තුෂාරි ජයසිංහ, නීතිඥ සුසන්ත දොඩාවත්ත සහ සුගත් වසන්ත ද සිල්වා යන මහත්ම මහත්මීන්, සංසදයේ සාමාජික ගරු පාර්ලිමේන්තු මන්ත්‍රීවරයන් ඇතුළු අනෙකුත් මන්ත්‍රීවරයන්, විදෙස් රාජ්‍යතාන්ත්‍රිකයින්, වැඩබලන පාර්ලිමේන්තු මහලේකම් චමින්ද කුලරත්න, සහකාර මහලේකම් හංස අබේරත්න, පාර්ලිමේන්තු කාර්යමණ්ඩල සමාජිකයින් ඇතුළු විශාල පිරිසක් සහභාගී වී සිටියහ.
2025-10-24
2025 ඔක්තෝබර් 19 සිට 23 දක්වා ස්විට්සර්ලන්තයේ ජිනීවා නුවරදී පැවති අන්තර් පාර්ලිමේන්තු සංගමයේ (IPU) 151 වන සමුළුවට ශ්‍රී ලංකා පාර්ලිමේන්තු නියෝජිත පිරිසක් සහභාගී වූහ. "අර්බුද සමයන්හිදී මානුෂීය සම්මතයන් ආරක්ෂා කිරීම සහ මානුෂීය ක්‍රියාකාරකම්වලට සහාය වීම" මෙවර සමුළුවේ තේමාවයි.ඒ අනුව, පවත්නා ගෝලීය මානුෂීය අභියෝගවලට එරෙහිව, ජාත්‍යන්තර මානුෂීය නීතිය ආරක්ෂා කිරීම, ඒ සඳහා බහුපාර්ශ්වික කැපවීම් ශක්තිමත් කිරීම සහ ගැටුම් සහ අර්බුදකාරී අවස්ථාවන් සඳහා සාධනීය මානුෂීය ප්‍රතිචාරයක් සහතික කිරීම උදෙසා පාර්ලිමේන්තු සතු කාර්යභාරය පිළිබඳව සාකච්ඡා කිරීම පිණිස ලොව පුරා පාර්ලිමේන්තු නියෝජිතයන් සිය ගණනක් උක්ත සමුළුවට සහභාගී වූහ.මහජන ආරක්ෂක සහ පාර්ලිමේන්තු කටයුතු ගරු නියෝජ්ය අමාත්‍ය නීතිඥ සුනිල් වටගල මහතාගේ ප්‍රධානත්වයෙන් යුත් ශ්‍රී ලංකා පාර්ලිමේන්තු නියෝජිත පිරිසට ගරු පාර්ලිමේන්තු මන්ත්‍රීවරයන් වන ඔෂානි උමංගා, ශාන්ත පද්මකුමාර, මොහොමඩ් ෆයිසාල්, හේෂා විතානගේ යන මහත්ම මහත්මීන් සහ පාර්ලිමේන්තුවේ මහලේකම් කුෂානි රෝහණදීර මහත්මිය ඇතුළත් වූහ.ප්‍රධාන සමුළුවට සහභාගී වෙමින් අදහස් දැක්වූ ගරු නියෝජ්ය අමාත්‍ය ගරු සුනිල් වටගල මහතා, අර්බුදකාරී අවස්ථාවල මානුෂීය ප්‍රතිචාර සහ අර්බුද කළමනාකරණය පිළිබඳ ශ්‍රී ලංකාවේ අත්දැකීම් පැහැදිලි කළේය. අර්බුද අවස්ථාවන් කළමනාකරණය කර ගනිමින් ඊට මුහුණ දීමට ශ්‍රී ලංකාව සතු හැකියාව මෙන්ම දේශීය හා ජාත්‍යන්තර මානුෂීය සහයෝගීතාවයේ වැදගත්කම අවධාරණය කළ තීරණාත්මක අවස්ථාවක් ලෙස 2004 වසරේදී සිදුවූ සුනාමි ව්‍යසනය හඳුන්වා දුන් ඒ් මහතා එවැනි අවස්ථාවන්හිදී සූදානම, සම්බන්ධීකරණය සහ මානුෂීය සම්මතයන්ට අනුකූල වීමේ වැදගත්කම අවධාරණය කළේය."දේශගුණය සහ පිරිසිදු වාතය සඳහා මීතේන් අඩු කිරීම: එයට ලැබිය යුතු අවධානය ලැබෙනවාද?" යන මාතෘකාව යටතේ පැවති වැඩමුළුවට ගරු පාර්ලිමේන්තු මන්ත්‍රී මොහොමඩ් ෆයිසාල් මහතා සහභාගී විය. එහිදී අදහස් දක්වමින් ඒ මහතා පවසා සිටියේ දේශගුණික විපර්යාසවලට එරෙහිව සටන් කිරීම සඳහා ශ්‍රී ලංකාවේ දැඩි කැපවීම, “කාබන් ශුද්ධ ශූන්‍ය මාර්ග සිතියම සහ උපායමාර්ගික සැලසුම - 2050” මගින් තහවුරු වන බවයි. එමෙන්ම “Clean Sri Lanka” ව්‍යාපෘතිය ඔස්සේ 2050 වනවිට රටතුළ කාබන් ශූන්‍ය පරිසරයක් ඇති කිරීම සඳහා කටයුතු කරමින් පවතින බවද ඒ මහතා අවධාරණය කළේය. ශ්‍රී ලංකාවේ පාරිසරික ප්‍රතිපත්ති මගින් තිරසාර සංවර්ධනය සහ පාරිසරික සුරක්ෂිතතාව පිළිබඳ පරම්පරා අතර වගකීම පිළිබඳ ශ්‍රී ලාංකික ජාතියේ දැක්ම පිළිබිඹු වන බවද ඒ මහතා වැඩිදුරටත් පැවසීය.“පාර්ලිමේන්තු සහ ස්ත්‍රී පුරුෂ සමානාත්මතාවය: ජයග්‍රහණ සහ ඉදිරි මාවත” මැයෙන් පැවති පාර්ලිමේන්තු මන්ත්‍රීවරියන්ගේ සමුළුවට සහභාගී වූ ගරු පාර්ලිමේන්තු මන්ත්‍රී ඔෂානි උමංගා මහත්මිය සිය අදහස් දැක්වීමේදී ස්ත්‍රී පුරුෂ සමානාත්මතාවය, කාන්තා සවිබලගැන්වීම සහ අන්තර්කරණ පාලන ක්‍රමවේදය ප්‍රවර්ධනය කිරීමේදී ශ්‍රී ලංකාව ලබා ඇති අඛණ්ඩ ප්‍රගතිය පිළිබඳ අවධාරණය කළාය.ගරු පාර්ලිමේන්තු මන්ත්‍රීවරුන් වන ශාන්ත පද්මකුමාර සහ හේෂා විතානගේ සමුළුව අතරතුර පැවති ආහාර සුරක්ෂිතතාව, මානව සංක්‍රමණයවීම්, දේශගුණික සාධක හා සම්බන්ධ ක්‍රියාකාරකම් සහ පාර්ලිමේන්තු අධීක්ෂණය ඇතුළු කරුණු සම්බන්ධයෙන් වූ ස්ථාවර කමිටු, විද්වත් සාකච්ඡා, සහ වැඩමුළු සඳහා ක්‍රියාකාරීව සහභාගී වෙමින් උක්ත කරුණ සම්බන්ධව ශ්‍රී ලංකාවේ ඉදිරිදැක්ම ඉදිරිපත් කළහ. මේ අතර, පාර්ලිමේන්තුවේ මහලේකම් කුෂානි රෝහණදීර මහත්මිය, පාර්ලිමේන්තු මහලේකම්වරුන්ගේ සංගමයේ (ASGP) සැසිවාරයට මෙන්ම ඊට සමගාමීව පැවති අනෙකුත් අදාළ රැස්වීම්වලට සහභාගී වූවාය.සමුළුවට සමගාමීව, ශ්‍රී ලංකා දූත පිරිස, නේපාල ජාතික සභාවේ ගරු සභාපති නාරායන් ප්‍රසාද් දහල් මහතාගේ නායකත්වයෙන් යුත් නේපාල දූත පිරිස සමඟ ද්විපාර්ශ්වික හමුවකටද එක්වූහ. පාර්ලිමේන්තු හුවමාරු වැඩසටහන්, අධ්‍යාපනය, සංචාරක ව්‍යාපාරය සහ සංස්කෘතික සබඳතා වැනි ක්ෂේත්‍රයන්හි දෙරට අතර සහයෝගීතාව ශක්තිමත් කිරීම කෙරෙහිද මෙහිදී අවධානය යොමු විය.බෙලරුස් ජනරජයේ ජාතික සභාවේ ජාත්‍යන්තර කටයුතු සහ ජාතික ආරක්ෂාව පිළිබඳ ස්ථාවර කමිටුවේ ගරු සභාපති සර්ජි ඇලෙයිනික් මහතා ද ශ්‍රී ලාංකික නියෝජිත පිරිස හමුවිය. ශ්‍රී ලාංකික සිසුන්ට බෙලරුස් ජනරජයේ වෛද්‍ය විද්‍යාව, තොරතුරු තාක්ෂණය සහ ඉංජිනේරු විද්‍යාව පිළිබඳ ශිෂ්‍යත්ව අවස්ථා ලබාගැනීම කෙරෙහි අවධානය යොමුවූ අතර, විශේෂයෙන් අධ්‍යාපන ක්ෂේත්‍රයේ ද්විපාර්ශ්වික සහයෝගීතාව වැඩි දියුණු කිරීම කෙරෙහි මෙම සාකච්ඡාවේදී අවධානය යොමු විය. අන්තර් පාර්ලිමේන්තු සහයෝගීතාව වර්ධනය කිරීම, ඉහළ තලයේ හුවමාරු වැඩසටහන් සඳහා පහසුකම් සැලසීම සහ දෙරට අතර වෙළඳ සබඳතා පුළුල් කිරීම පිළිබඳව ද දෙපාර්ශ්වයම මෙහිදී අදහස් හුවමාරු කර ගත්හ.2025 ඔක්තෝබර් 23 වන දින පැවති අන්තර් පාර්ලිමේන්තු සංගමයේ (IPU) පාලක මණ්ඩලයේ අවසාන සැසිවාරයේදී ප්‍රධාන යෝජනා සහ වාර්තා සම්මත කර ගනිමින් 151 වන සැසිවාරය අවසන් විය. ඒ අනුව මානුෂීය සම්මතයන් ආරක්ෂා කිරීම, සාමය ප්‍රවර්ධනය කිරීම සහ තිරසාර සංවර්ධනය ඉදිරියට ගෙන යාම සඳහා ලොව පුරා පාර්ලිමේන්තුවල සාමූහික කැපවීම එහිදී නැවත තහවුරු කෙරිණි.
2025-10-23
කොළඹ විශ්වවිද්‍යාලයේ නීති පීඨයේ පොදු සහ ජාත්‍යන්තර නීති දෙපාර්තමේන්තුවේ සහ ඉන්දියාවේ මුම්බායි හි ඇමිටි නීති විද්‍යාලයේ සිසුන් පිරිසක් පසුගියදා (ඔක්. 21) ශ්‍රී ලංකා පාර්ලිමේන්තුවේ අධ්යයන චාරිකාවක නිරත වූහ.කොළඹ විශ්වවිද්‍යාලයේ නීති පීඨයේ පොදු සහ ජාත්‍යන්තර නීති දෙපාර්තමේන්තුව, පරිසර නීති හා ප්‍රතිපත්ති මධ්‍යස්ථානය (CELP) සහ ඉන්දියාවේ මුම්බායි හි ඇමිටි නීති විද්‍යාලය සමඟ එක්ව සංවිධානය කරනු ලබන '' ඉන්දු-ශ්‍රී ලංකා පරිසර නීති සතිය - 2025 '' නිමිති කොටගෙන ක්‍රියාත්මක වන ශාස්ත්‍රීය වැඩසටහන් මාලාවේ එක් වැඩසටහක් ලෙස එම නීති සිසූහු මෙලෙස පාර්ලිමේන්තුවේ අධ්යයන චාරිකාවකට එක්වූහ.පාර්ලිමේන්තුවට පැමිණි මෙම සිසුන්ට ප්‍රථමයෙන්,පාර්ලිමේන්තුවේ සන්නිවේදන දෙපාර්තමේන්තුවේ මහජන සේවා අංශයේ මග පෙන්වීම යටතේ පාර්ලිමේන්තු පරිශ්‍රයේ සහ සභා ගර්භයේ නිරීක්ෂණ චාරිකාවකට එක්වෙමින් අත්දැකීම් ලබාගැනීමට අවස්ථාව උදාවිය.අනතුරුව, අධ්‍යක්ෂ (ව්‍යවස්ථාදායක සේවා) සහ (වැඩ බලන) අධ්‍යක්ෂ සන්නිවේදන එම්. ජයලත් පෙරේරා මහතාගේ ප්‍රධානත්වයෙන් ඔවුන් සඳහා දැනුවත් කිරීමේ වැඩසටහනක් ද පැවැත්විණි. එහිදී ඒ මහතා විසින් ශ්‍රී ලංකා ව්‍යවස්ථාදායක ක්‍රියාවලිය, පාර්ලිමේන්තු කාර්යභාරය හා ක්‍රියාකාරිත්වය පිළිබඳ අවබෝධයක් ලබාදෙන ලදී . එමෙන්ම එම නීති සිසුන්ට පැවැති ගැටලු ද සාකච්ජා කරන ලදී.මේ අවස්ථාව සඳහා කොළඹ විශ්වවිද්‍යාලයේ නීති පීඨයයේ පොදු සහ ජාත්‍යන්තර නීති අධ්යයන අංශයේ ප්‍රධානී මහාචාර්ය කෝකිලා ලංකාතිලක කෝනසිංහ මහත්මිය ඇතුළු නීති පීඨයයේ ආචාර්යවරුන්, ඉන්දියාවේ මුම්බායි හි ඇමිටි නීති විද්‍යාලයේ අධ්‍යක්ෂ මහාචාර්ය වී. එස්. ජිජීමන් මහතා ඇතුළු එම විද්‍යාලයේ ආචාර්යවරුන්, දෙරටේ නීති සිසුන් ඇතුළු පිරිසක් සහභාගී වූහ. කොළඹ විශ්වවිද්‍යාලයේ නීති පීඨයේ පොදු සහ ජාත්‍යන්තර නීති දෙපාර්තමේන්තුවේ සහ ඉන්දියාවේ මුම්බායි හි ඇමිටි නීති විද්‍යාලයේ සිසුන් පිරිසක් පසුගියදා (ඔක්. 21) ශ්‍රී ලංකා පාර්ලිමේන්තුවේ අධ්යයන චාරිකාවක නිරත වූහ.කොළඹ විශ්වවිද්‍යාලයේ නීති පීඨයේ පොදු සහ ජාත්‍යන්තර නීති දෙපාර්තමේන්තුව, පරිසර නීති හා ප්‍රතිපත්ති මධ්‍යස්ථානය (CELP) සහ ඉන්දියාවේ මුම්බායි හි ඇමිටි නීති විද්‍යාලය සමඟ එක්ව සංවිධානය කරනු ලබන '' ඉන්දු-ශ්‍රී ලංකා පරිසර නීති සතිය - 2025 '' නිමිති කොටගෙන ක්‍රියාත්මක වන ශාස්ත්‍රීය වැඩසටහන් මාලාවේ එක් වැඩසටහක් ලෙස එම නීති සිසූහු මෙලෙස පාර්ලිමේන්තුවේ අධ්යයන චාරිකාවකට එක්වූහ.පාර්ලිමේන්තුවට පැමිණි මෙම සිසුන්ට ප්‍රථමයෙන්,පාර්ලිමේන්තුවේ සන්නිවේදන දෙපාර්තමේන්තුවේ මහජන සේවා අංශයේ මග පෙන්වීම යටතේ පාර්ලිමේන්තු පරිශ්‍රයේ සහ සභා ගර්භයේ නිරීක්ෂණ චාරිකාවකට එක්වෙමින් අත්දැකීම් ලබාගැනීමට අවස්ථාව උදාවිය.අනතුරුව, අධ්‍යක්ෂ (ව්‍යවස්ථාදායක සේවා) සහ (වැඩ බලන) අධ්‍යක්ෂ සන්නිවේදන එම්. ජයලත් පෙරේරා මහතාගේ ප්‍රධානත්වයෙන් ඔවුන් සඳහා දැනුවත් කිරීමේ වැඩසටහනක් ද පැවැත්විණි. එහිදී ඒ මහතා විසින් ශ්‍රී ලංකා ව්‍යවස්ථාදායක ක්‍රියාවලිය, පාර්ලිමේන්තු කාර්යභාරය හා ක්‍රියාකාරිත්වය පිළිබඳ අවබෝධයක් ලබාදෙන ලදී . එමෙන්ම එම නීති සිසුන්ට පැවැති ගැටලු ද සාකච්ජා කරන ලදී.මේ අවස්ථාව සඳහා කොළඹ විශ්වවිද්‍යාලයේ නීති පීඨයයේ පොදු සහ ජාත්‍යන්තර නීති අධ්යයන අංශයේ ප්‍රධානී මහාචාර්ය කෝකිලා ලංකාතිලක කෝනසිංහ මහත්මිය ඇතුළු නීති පීඨයයේ ආචාර්යවරුන්, ඉන්දියාවේ මුම්බායි හි ඇමිටි නීති විද්‍යාලයේ අධ්‍යක්ෂ මහාචාර්ය වී. එස්. ජිජීමන් මහතා ඇතුළු එම විද්‍යාලයේ ආචාර්යවරුන්, දෙරටේ නීති සිසුන් ඇතුළු පිරිසක් සහභාගී වූහ.
2025-10-22
සෑම වසරකම ඔක්තෝබර් මස ගෝලීය පියයුරු පිළිකා පිළිබඳව දැනුවත් කිරීමේ මාසය හෙවත් “රෝස පැහැති මාසය” ලෙස සලකනු ලබන අතර ඊට සහය පළ කරමින් ගරු අග්‍රාමාත්‍ය ආචාර්ය හරිනි අමරසූරිය සහ ගරු කථානායක වෛද්‍ය ජගත් වික්‍රමරත්න යන මහත්ම මහත්මීන්ට පියයුරු පිළිකා පිළිබඳ දැනුවත් කිරීම සංකේතවත් කරන ලාංඡන පැළඳවීම සහ අත්පළදනා ලබා දීම අද (ඔක්. 22) පාර්ලිමේන්තුවේදී සිදුවිය.පාර්ලිමේන්තු මන්ත්‍රීවරියන්ගේ සංසදය විසින් සංවිධානය කළ මෙම වැඩසටහනේදී පාර්ලිමේන්තුවේ ගරු නියෝජ්ය කාරක සභා සභාපති හේමාලි වීරසේකර, ආණ්ඩු පක්ෂයේ ප්‍රධාන සංවිධායක, ගරු අමාත්‍ය වෛද්‍ය නලින්ද ජයතිස්ස, ගරු විපක්ෂනායක සජිත් ප්‍රේමදාස සහ විපක්ෂයේ ප්‍රධාන සංවිධායක ගයන්ත කරුණාතිලක යන මහත්ම මහත්මීන්ට ද සංකේතාත්මක ලාංඡන පැළඳවීම සහ අත්පළඳනා ලබා දීම සිදු කෙරිණි.තවද පාර්ලිමේන්තුවේ මන්ත්‍රී පිවිසුම් දොරටුව අභියසදී සියලුම පාර්ලිමේන්තු මන්ත්‍රීවරුන්ට ද පියයුරු පිළිකා මර්දනය පිළිබඳ දැනුවත් කිරීමට සහය පළ කිරීමේ ලාංඡන පැළඳවීම සහ අත්පළදනා ලබා දීම සිදුවිය. එසේම සංසදය විසින් පාර්ලිමේන්තුවේ වැඩබලන මහලේකම් චමින්ද කුලරත්න සහ සහකාර මහලේකම් හංස අබේරත්න යන මහත්වරුන්ට ද ලාංඡන පැළඳවීම සිදුකෙරිණි.අද දින මෙම වැඩසටහනට සහය පළ කරමින් පාර්ලිමේන්තු මන්ත්‍රීවරයන් මෙන්ම පාර්ලිමේන්තු කාර්ය මණ්ඩලය රෝස පැහැති හෝ රෝස පැහැය සහිත ඇඳුමින් සැරසී පැමිණියහ. එසේම පාර්ලිමේන්තු මන්ත්‍රීවරියන්ගේ සංසදය විසින් සිදු කරන ලද ඉල්ලීමකට අනුව මෙම ගෝලීය පියයුරු පිළිකා පිළිබඳව දැනුවත් කිරීමේ මාසයට සමගාමීව පියයුරු පිළිකා මර්දනය කිරීමේ අවශ්‍යතාව පිළිබඳ සභාව කල්තබන අවස්ථාවේ විවාදයක් අද ප.ව. 4.30 සිට ප.ව. 5.30 දක්වා පැවැත්වීමට නියමිතය.ලොවපුරා කාන්තාවන් අතර සුලභම පිළිකාව පියයුරු පිළිකාව වේ. ඒ අනුව ශ්‍රී ලංකාවේ ද දිනකට නව රෝගීන් 15 ක් හදුනාගන්නා බවත් ඉන් 3 දෙනෙකු මිය යන බවත් මෙම අවස්ථාවට සහභාගීවූ වෛද්‍යවරියෝ සඳහන් කළහ. පියයුරු පිළිකාව කල් ඇතිව හදුනා ගෙන ප්‍රතිකාර කිරීමෙන් පූර්ණ සුවය ලැබිය හැකි බවත්, ඒ සඳහා වයස අවුරුදු 20ට වැඩි කාන්තාවන් මසකට වරක් ස්වයං පියයුරු පරීක්ෂාවක් සිදුකිරීමේ අවශ්‍යතාවයත් ඔවුහු පෙන්වා දුන්හ. ඒ අනුව ඔක්තෝබර් මාසයට පමණක් සීමා නොවී මේ පිළිබඳව දැනුවත් වෙමින් මෙම සමාජ ව්‍යසනය තුරන් කිරීමේ වගකීම කාන්තාවන්ට පමණක් නොව පිරිමි පාර්ශ්වයට ද ඇති බව මෙහිදී අවධාරණය කෙරිණි. මේ පිළිබඳව මෙරට පාසැල් මට්ටමින් දැනුවත් කිරීම ආරම්භ කොට ඇති බවත් ‘රෝස බදාදා’ නමින් විවිධ පාර්ශවවල සංවිධාන ශක්තියෙන් වැඩසටහන් ආරම්භකොට ඇති බවත් මෙහිදී අනාවරණය විය.එසේම පාර්ලිමේන්තුවේ මෙම වැඩසටහනට සමගාමීව සියලුම පාසැල්වල උදය රැස්වීමේදී පාසැල් ළමුන් මේ සම්බන්ධයෙන් දැනුවත් කිරීමට පියවර ගන්නා ලෙස සියලු විදුහල්පතිවරු දැනුවත් කරමින් අධ්‍යාපන අමාත්‍යාංශයේ ලේකම් වෙත සංසදය විසින් ලිඛිතව දැනුම් දී ඇත.පාර්ලිමේන්තු මන්ත්‍රීවරියන්ගේ සංසදයේ සභාපතිනිය වන ගරු අමාත්‍ය සරෝජා සාවිත්‍රි පෝල්රාජ් මහත්මිය ඇතුළු පාර්ලිමේන්තු මන්ත්‍රීවරියන් ද ජාතික පිළිකා මර්දන වැඩසටහනේ අධ්‍යක්ෂ ශ්‍රීනි අලහප්පෙරුම, විශේෂඥ වෛද්‍ය හසරැලි ප්‍රනාන්දු, ඉන්දිරා පිළිකා භාරයේ සභාපති වෛද්‍ය ලංකා ජයසූරිය දිසානායක යන මහත්ම මහත්මීහු ඇතුළු පිරිසක් ද මෙම වැඩසටහනට සහභාගී වූහ.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
