පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
ප්රවේශ වී ඔබේ පාර්ලිමේන්තුව සමඟ සම්බන්ධ වන්න
සංසදය තුළ සිටින පාර්ලිමේන්තු මන්ත්රීවරියන් 12 දෙනාගේ ප්රධාන බලවරම එනම්, ව්යවස්ථා සම්පාදන කටයුතු, අධීක්ෂණ කටයුතු සහ නියෝජනය කිරීමේ භූමිකා නිසි පරිදි සාක්ෂාත් කර ගැනීම උදෙසා සංඛ්යාත්මකව කුඩා ප්රමාණයක් සිටිනු ලැබීමේ තත්ත්වයක් මධ්යයේ වුවද, කාන්තා පාර්ලිමේන්තු මන්ත්රීවරියන්ගේ සංසදයේ සාමාජිකත්වය සතු සාමූහික සහ පුද්ගලික බලතල ඒකාබද්ධ කරනු ලබන බවට සහතික කිරීම අපගේ එක් ප්රධාන අභිමතාර්ථයක් වෙයි.
සංසදයේ සියලු සාමාජිකයන් විසින් අනුමත කරන ලද අපගේ යොමු කිරීම් අනුදේශ මත පදනම්ව, කාන්තාවන් සහ නිසි නියෝජනයක් නොමැති කණ්ඩායම් සඳහා සැලකිය යුතු සමානාත්මතාවයක් උදා කිරීමට හැකි වෙතැයි අප විසින් අපේක්ෂා කරනු ලබන පුළුල් වැඩ ක්ෂේත්ර කිහිපයක් අප විසින් ස්ථාපිත කොට ගෙන ඇත්තෙමු. කෙසේ වුවද, කාන්තාවන් සහ අවදානම් පාත්රතාවයේ සිටින ජනතාව උදෙසා බලපෑමක් ඇති කළ හැකි අනපේක්ෂිත සහ හදිසියේ ඉස්මතු වන ඕනෑම ගැටලුවක් අප හට සෑම විටම ආමන්ත්රණය කිරීමට හැකියාව පවතින බව සහතික කිරීම උදෙසා, අපගේ වැඩසටහන් තුළ නම්යශීලීභාවය ඇති කර ගැනීමේ හැකියාව වෙනුවෙන් සංසදය වශයෙන් අප තුළ පවත්නා අවබෝධය ඔස්සේ අපට කටයුතු කිරීමට හැකියාව පවතී.
ජාතික අයවැය, සමානාත්මතාවය සහ අන්තර්ග්රහණය සඳහා සැලසුම් කිරීම සහ අයවැයකරණය, ආර්තව දරිද්රතාවය, කාන්තා හිංසනය, කාන්තා විරැකියාව සහ ශ්රම බලකායේ ඌන සේවා නියුක්තිය, විදේශ ශ්රමිකයන්ගේ අයිතිවාසිකම්, කාන්තාවන්ට සහ අයිතිවාසිකම් උල්ලංඝනයන්ට ලක් විය හැකි අනෙකුත් විශේෂිත කණ්ඩායම්ලට අහිතකර ලෙස බලපාන නීති වැනි කාන්තාන්ට බලපාන තෝරාගත් විෂයයන් පිළිබඳ ප්රවීණයන් සමඟ තාක්ෂණික සාකච්ඡා පැවැත්වීම.
යෝජිත සහ අපේක්ෂිත ආණ්ඩුක්රම ව්යවස්ථා ප්රතිසංස්කරණ සඳහා ස්ත්රී පුරුෂ සමාජභාවය සහ සමාජ අන්තර්ග්රහණ උත්සුකයන් ඇතුළත් කිරීම සඳහා සාමූහික යෝජනාවක් අප අධිකරණ අමාත්යාංශය වෙත ලබා දී ඇත.
අපගේ සැලසුම් සහ ඉලක්ක සිතේ තබා ගනිමින්, අපගේ න්යාය පත්රය රාජ්ය නොවන සංවිධානලට සහ සිවිල් සමාජ සංවිධානලට දැනුම් දීමට සහ ඔවුන් අපට සහය විය හැකි ආකාරය ඔවුන්ගෙන් අසා දැන ගැනීමට ඔවුන් සමඟ රැස්වීම් සැලසුම් කිරීමට අපි සහභාගී වී සිටිමු.
දේශපාලනයේ, රැකියා ලෝකයේ සහ ගෘහාශ්රිත ක්ෂේත්රයේ කාන්තා අයිතිවාසිකම් වෙනුවෙන් පෙනී සිටීමේ අරමුණින් 2021 ජාත්යන්තර කාන්තා දිනය නිමිත්තෙන් අපි උත්සවවලට සහභාගී වී සිටිමු.
අප විසින් 2021 ජාත්යන්තර කාන්තා දිනය නිමිත්තෙන් 9 වන පාර්ලිමේන්තු වෙබ් අඩවියේ අපගේම සංසදයක් ආරම්භ කර ඇත.
අප පාර්ලිමේන්තු මන්ත්රීවරුන් අතරින් කැපී පෙනෙන මන්ත්රීවරුන් සමඟ අයවැය ගැටළු විවාද කිරීම සඳහා කණ්ඩායම් සාකච්ඡා පැවැත්වූ අතර, සංසදයක් ලෙස අපගේ සැලසුම් විශේෂ මණ්ඩල සාකච්ඡාවක් හරහා ප්රකාශයට පත් කළ අතර එමඟින් මහජනතාව සංසදයක් ලෙස අපගේ දැක්ම වඩාත් හොඳින් අවබෝධ කර ගනු ඇත.
2021 ජාත්යන්තර කාන්තා දිනය නිමිත්තෙන් අපගේම පාර්ලිමේන්තු මාධ්යය මධ්යස්ථානය හරහා මාධ්යය හමුවක් ද පවත්වමින් මෙම වැදගත් දිනයේ දී ජනතාව අතරට ගොස් ඔවුන් සමඟ සම්බන්ධ වීමට අප විසින් කටයුතු කරන ලදී.
අප විසින් මෑතකදී නියෝජ්ය පොලිස්පතිනි බිම්ශානි ජාසිං ආරච්චි විසින් මුහුණ දෙන ලද වෙනස් කොට සැලකීමට එරෙහිව ද මැදිහත් වීමක් කරමින් ඇය වෙනුවෙන් ද පෙනී සිටි අතර, ඊට එරෙහි අපගේ විරෝධය පළ කිරීමට ද කටයුතු කරන ලදී. මේ සඳහා පාර්ලිමේන්තුව තුළත් අපගේ පාර්ලිමේන්තු මන්ත්රීවරුන්ගෙන් ද අපට මනා සහයෝගයක් ලැබුණු අතර එය ඉතා දිරිගන්වන සුළු සහයක් ද විය.
විශේෂයෙන්ම මහජන නඩු විභාග හෝ ඒ හා සමාන වේදිකාවන් හරහා පාර්ලිමේන්තුවට ගෙන එන කාන්තා ගැටළු විසඳීම සඳහා තේරීම් කාරක සභාවක් පිහිටුවීම සඳහා ද අප විසින් සංසදයක් ලෙස පෙනී සිටීමට කටයුතු කරන ලදී.
විවිධ ක්ෂේත්රයන්හී වින්දිතයන්ගේ හඬට සවන් දෙන මහජන නඩු විභාග දෙකකට අපි සහභාගී වී ඇත්තෙමු. රැකියා ස්ථානයේ ලිංගික සූරාකෑම පිළිබඳ ඔවුන්ගේ අත්දැකීම් සහ රැකියා ස්ථානයේ ප්රචණ්ඩත්වය සහ ලිංගික හිංසනය පිටු දැකීම සඳහා ජාත්යන්තර කම්කරු සංවිධානයේ 190 සම්මුතිය අනුමත කිරීම සහතික කිරීම සඳහා ඉදිරිපත් කරන ලද ඉල්ලීමක් පිළිබඳව ඔවුන් විසින් අප සමඟ ඉතා විවෘතව සාකච්ඡා කළහ.
එමෙන්ම, ඉඩම් ගැටළු පිළිබඳ පුළුල් පර්යේෂණ සිදු කර ඇති පාර්ශවකරුවන්ගෙන් සහ ඉඩම් ගැටළු වලින් පීඩාවට පත් කාන්තාවන් විසින් සෘජුවම ඉදිරිපත් වූ නඩු විභාගයකට ද අප විසින් සහභාගී වී ඇත. මෙම කාන්තාවන් සහ ඔවුන්ගේ දිළිඳු පවුල් සඳහා විසඳුම් ලබා දීම වෙනුවෙන් පෙනී සිටීම සඳහා සම්පූර්ණ සාක්ෂි ලැබුණු පසු මෙම ගැටළු ඊට සුදුසු උපදේශක කාරක සභාවන් වෙත යොමු කිරීමටද අපි අපේක්ෂා කරමු.
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
රාජ්ය අංශයේ විශිෂ්ටතම වෙබ් අඩවිය (ලෝකඩ සම්මානය)
හොඳම සිංහල වෙබ් අඩවිය
හොඳම දෙමළ වෙබ් අඩවිය
රාජ්ය අංශයේ විශිෂ්ටතම වෙබ් අඩවිය (රජත සම්මානය)
හොඳම සිංහල වෙබ් අඩවිය (ලෝකඩ සම්මානය)
හොඳම දෙමළ වෙබ් අඩවිය (රජත සම්මානය)
රාජ්ය අංශයේ විශිෂ්ටතම වෙබ් අඩවිය (රජත සම්මානය)
රාජ්ය අංශයේ ජනප්රියතම වෙබ් අඩවිය
හොඳම සිංහල වෙබ් අඩවිය
හොඳම දෙමළ වෙබ් අඩවිය
රාජ්ය අංශයේ විශිෂ්ටතම වෙබ් අඩවිය
හොඳම සිංහල වෙබ් අඩවිය
හොඳම දෙමළ වෙබ් අඩවිය
රාජ්ය අංශයේ විශිෂ්ටතම වෙබ් අඩවිය
හොඳම සිංහල වෙබ් අඩවිය (ලෝකඩ සම්මානය)
හොඳම දෙමළ වෙබ් අඩවිය
රාජ්ය අංශයේ විශිෂ්ටතම වෙබ් අඩවිය (රජත සම්මානය)
හොඳම සිංහල වෙබ් අඩවිය (ලෝකඩ සම්මානය)
හොඳම දෙමළ වෙබ් අඩවිය
රාජ්ය අංශයේ විශිෂ්ටතම වෙබ් අඩවිය
රාජ්ය අංශයේ විශිෂ්ටතම වෙබ් අඩවිය
ජනප්රියතම වෙබ් අඩවිය (දෙමළ අංශය)
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks