නීති සම්පාදකයින් ලෙස පාර්ලිමේන්තු මන්ත්‍රීවරුන්ට ඔවුන්ගේ රාජකාරී කටයුතු කාර්යක්ෂමව ඉටු කිරීම සඳහා දුරකථන, තැපැල් පහසුකම්, ලිපි ද්‍රව්‍ය, නවාතැන් පහසුකම්, වෛද්‍ය පහසුකම් වැනි සමහර අත්‍යවශ්‍ය පහසුකම් ලබා ගැනීමේ වරප්‍රසාදය හිමි වී ඇත. පොදුවේ නීති සම්පාදකවරුන්ගේ මෙවන් කටයුතු ඉටු කර දීම සඳහා මන්ත්‍රී සේවා කාර්යාංශය සූදානම් ව සිටී.
එයට අමතරව, විශේෂයෙන්ම පාර්ලිමේන්තු මන්ත්‍රීවරුන් සහ ඔවුන්ගේගේ පවුලේ සාමාජිකයින් සඳහා ම වූ නුවරඑළියේ පිහිටි කාමර දහ නවයකින් සමන්විත සෙන්පති මැදුර නම් නිවාඩු නිකේතනය මෙම කාර්යාංශය මඟින් නඩත්තු කරනු ලබයි.
එක් එක් නිවසේ බිම් ප්‍රදේශය වර්ග අඩි 900 ක් වන, නිදන කාමර 03 ක්, මුළුතැන්ගෙයක්, විසිත්ත කාමරයක්, කෑම කාමරයක්, සේවක වැසිකිළියක් සහ වාහන නවතා තැබීමේ ඉඩ පහසුකම් සහිත, නිවාස ඒකක 120කින් සමන්විත මාදිවෙල නිවාස සංකීර්ණය ද නිවාස ලබා ගැනීම සඳහා නිසි සුදුසුකම් සහිත මන්ත්‍රීවරුන්ට පදිංචිය සඳහා කුලී පදනමින් ලබා ගත හැකි අතර එම කටයුතු පරිපාලනය කිරීමද මෙම කාර්යාංශයේ වැදගත් රාජකාරියක් වේ.
ගරු කථානායකතුමාගේ නිල නිවාසය සඳහා ඇතැම් සේවාවන් සපයා දීම ද මන්ත්‍රී සේවා කාර්යාංශය සිදු කරයි.
පාර්ලිමේන්තු මන්ත්රීවරුන්ගේ සුවපහසුව සහ පහසුකම් සපයා දීම‍ට අදාළ සියලුම ගැටළු සළකා බලා උපදෙස් ලබා දෙනු ලබන, ගරු කථානායකතුමා සභාපතීත්වය දරන පාර්ලිමේන්තු කාරක සභාවක් වන ගෘහ්‍ය කාරක සභාවට අවශ්‍ය සේවා කටයුතු ඉටු කර දීම ද මෙම කාර්යාංශය විසින් ඉටු කරනු ලබයි.
ඉහත සඳහන් සේවාවන් ලබා ගන්නා සේවාලාභීන් තෘප්තිමත්වීම තහවුරු කිරීම සඳහා මන්ත්‍රී සේවා කාර්යාංශය විසින් ඉහත සඳහන් කළ ක්‍රියාකාරකම්, කටයුතු සහ ආයතන කළමනාකරණය කිරීම අධීක්ෂණය කරනු ලබයි.
මන්ත්‍රී සේවා කාර්යාංශය විසින් මෙහෙයවනු ලබන කාර්යයන්
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
