கௌரவ விஜித ஹேரத்,— பொது நிர்வாக மற்றும் முகாமைத்துவ அமைச்சரைக் கேட்பதற்கு,—
(அ) (i) 2010.09.10 ஆம் திகதிய 1670/33ஆம் இலக்க அதிவிசேட வர்த்தமானப் பத்திரிகையில் வெளியிடப்பட்டுள்ள இலங்கை கணக்காளர் சேவை பிரமாணக் குறிப்பின்படி, அலுவலர்களை விசேட தரத்திற்குப் பதவி உயர்த்துகின்றபோது பகிரங்க சேவைகள் ஆணைக்குழுவின் அங்கீகாரத்திற்கு முரணான வகையில் பதவி உயர்வு வழங்கப்பட்டுள்ளதா என்பதையும்;
(ii) பட்டப்பின்படிப்புத் தகைமைகளைக் கொண்டிராத அலுவலர்களுக்கு விசேட தரத்திற்கு பதவி உயர்வு வழங்குவதற்காக நிதி அமைச்சின் செயலாளர் வேண்டுகோள் விடுத்துள்ளாரா என்பதையும்;
(iii) ஆமெனில், அந்த காலப்பகுதி யாது என்பதையும்;
(iv) பகிரங்க சேவைகள் ஆணைக்குழு அதற்கு அங்கீகாரம் வழங்கியுள்ளதா என்பதையும்:
(v) குறித்த நேர்முகப் பரீட்சைக்காக 82 அலுவலர்கள் அழைக்கப்பட்டிருந்தனரா என்பதையும்;
(vi) இவர்களில், பகிரங்க சேவைகள் ஆணைக்குழு அங்கீகரித்த காலப்பகுதிக்குரிய அலுவலர்களின் பெயர்ப் பட்டியல் ஒன்றையும், அதன் கீழ் வராத அலுவலர்களின் பெயர்ப் பட்டியல் ஒன்றையும் சமர்ப்பிப்பாரா என்பதையும்;
(vii) இந்த அலுவலர்கள் விசேட தரத்திற்கு பதவி உயர்த்தப்பட்டுள்ளனரா என்பதையும்;
(viii) ஆமெனின், அந்த பதவி உயர்வுகள் நடைமுறைக்கு வரும் திகதி யாது என்பதையும்;
(ix) பகிரங்க சேவைகள் ஆணைக்குழுவின் விதிகளுக்குப் புறம்பாக பதவி உயர்வு வழங்கப்பட்டிருக்குமாயின், அதற்குப் பொறுப்புக் கூற வேண்டிய அலுவலர்கள் யாவர் என்பதையும்;
(x) இந்த அலுவலர்கள் தொடர்பாக எடுக்கும் நடவடிக்கை யாது என்பதையும்;
(xi) பதவி உயர்வு கிடைக்காததால் பாதிக்கப்பட்ட அலுவலர்கள் சார்பாக எடுக்கவிருக்கும் நடவடிக்கைகள் யாவை என்பதையும்;
அவர் இச்சபையில் அறிவிப்பாரா?
(ஆ) இன்றேல், ஏன்?
கேட்கப்பட்ட திகதி
2017-09-21
கேட்டவர்
கௌரவ விஜித ஹேரத், பா.உ.
சட்டவாக்கம்
இலங்கை சனநாயக சோசலிசக் குடியரசின் எட்டாவது பாராளுமன்றம்
கூட்டத்தொடர்
1
பதில் தேதி
2017-09-21
பதில் அளித்தார்
கௌரவ கயந்த கருணாதிலக்க, பா.உ.
பாராளுமன்றத்திற்கு வருகை தருதல்
பாராளுமன்றத்தின் கையேடு
இலங்கையில் தேர்தல் முறை
பாராளுமன்றம் எவ்வாறு செயல்படுகிறது
பாராளுமன்ற அலுவல்கள்
பதிப்புரிமை © இலங்கை பாராளுமன்றம்.
முழுப்பதிப்புரிமையுடையது.
வடிவமைத்து உருவாக்கியது TekGeeks
