இலங்கை பாராளுமன்றத்திற்கு சுற்றுலாவினை மேற்கொள்ளல், தனிப்பட்ட முறையில் வந்து பார்வையிடல், நிகழ்நிலை சுற்றுலாக்களை மேற்கொள்ளல் அல்லது சுற்றுலாவொன்றினை எவ்வாறு திட்டமிடுவது பற்றி தேடிப் பார்க்கவும்.
அனுமதி பெற்றுக் கொள்வது அத்தியவசியமாவதுடன் முன் அனுமதியின்றி பாராளுமன்றத்தினுள் உட்பிரவேசிக்க முடியாது. நீங்கள் பாராளுமன்றத்தை பார்வையிடுவதற்கு எதிர்பார்ப்பின் பார்வையிடுவதற்கு எதிர்பார்க்கும் தினத்திற்கு குறைந்தது ஒரு வாரத்திற்கு முன்னராவது அனுமதி கோரலை மேற்கொள்ள வேண்டும்.
பாதுகாப்பு காரணங்களுக்காகவோ அல்லது ஏனைய ஏதும் காரணங்களுக்காவோ எச்சந்தர்ப்பத்திலும் அதிகாரம் வாய்ந்தோருக்கு உங்கள் பிரவேசத்தை இரத்துச் செய்ய முடியும்.
அனுமதியின்றி பாராளுமன்றத்திற்கு பிரவேசித்தல் அல்லது பிரவேசிக்க முயற்சித்தல் பிடியாணை இல்லாமல் கைது செய்ய காரணமாகலாம்.
பார்வையிட வருகை தரல்
பாராளுமன்றத்தை பார்வையிடுவதற்கு உங்களுக்கு பொதுவான வழிகாட்டல்கள் மற்றும் அறிவுறுத்தல்களை பின்பற்ற வேண்டி ஏற்படலாம்.
நீங்கள் உடன்படுவீர்களாயின் உங்களது சுற்றுலாவை தேர்ந்தெடுக்கவும்.
பதவி — படைக்கலச் சேவிதர், இலங்கை பாராளுமன்றம், ஸ்ரீ ஜயவர்த்தனபுர கோட்டே.
மின்னஞ்சல்: sa@parliament.lk
தொலைநகல் இல. - 0112777473
மேலதிக விபரங்களுக்கு : 0112777100 + 5365 திருமதி. தனங்ஞனீ – விடயப் பொறுப்பு அதிகாரி
பாடசாலை அல்லது அமைப்பின் கடிதத் தலைப்பில் பாடசாலை அதிபர் அல்லது அமைப்பின் தலைவரால் கோரிக்கைக் கடிதம் ஒன்றை எழுதி அனுப்புவதன் மூலம் வருகைக்கான கோரிக்கை ஒன்றை மேற்கொள்ள முடியும். கோரிக்கை கடிதத்தின் வடிவத்தைக் காண இங்கே அழுத்தவும்>. வருகை தரும் மாணவர் பட்டியல் வடிவத்துக்கு இங்கே அழுத்தவும் அத்துடன் பெற்றோர் மற்றும் ஆசிரியர்களின் பட்டியல் <வடிவத்துக்கு இங்கே அழுத்தவும் என்பவற்றை உள்ளடக்கவும்.
அனுமதியின் பிரதி ஒன்று உங்களுக்கு அவசியமாயின், அந்தத் தேவையை தயவு செய்து கடிதத்தில் குறிப்பிடுவதுடன் அதனை பெறுவதற்கான மின்னஞ்சல் முகவரி ஒன்றையும் கடிதத்தில் குறிப்பிடவும்.
வருகைக்கான வழிகாட்டல்கள்
தொடர்புடைய பாராளுமன்ற உறுப்பினர்கள் உரிய முறையில் நிரப்பப்பட்ட படிவத்தின் மூலம் படைக்கல சேவிதருக்கு கோரிக்கையை அனுப்ப வேண்டும் வடிவத்துக்கு இங்கே அழுத்தவும்.
பணியாளர்கள் தொடர்புடைய தமது பிரிவுத் தலைவர்கள் ஊடாக முறைசார் கடிதம் ஒன்றை படைக்கல சேவிதருக்கு அனுப்புவதன் மூலமாக அனுமதியைக் கோர முடியும்.
கடிதத்தில் வருகை தருனர்களின் பெயர்கள் மற்றும் தேசிய அடையாள அட்டை இலக்கங்கள் அத்துடன் வருகையின் திகதி மற்றும் நேரம் என்பன உள்ளடக்கப்பட வேண்டும்.
ஏனைய நாடுகளில் இருந்து வரும் வருகை தருனர்கள் இலங்கையின் ஒரு பிரயான முகவர் அமைப்பின் ஊடாக அனுமதியைக் கோர வேண்டும். முகவர் அமைப்பு தனது கடிதத் தலைப்பில் பெயர்கள், கடவுச் சீட்டு இலக்கங்கள், அத்துடன் ஒவ்வொரு வருகை தருனரினதும் நாடுகள் என்பவற்றை குறிப்பிட்டு முறைசார் கோரிக்கைக் கடிதம் ஒன்றை படைக்கல சேவிதருக்கு அனுப்பி வைக்க வேண்டும்.
பணி நிமித்தமாக பாராளுமன்றத்துக்கு வருகை தரும் அரச அலுவலர்களுக்கான பாதுகாப்பு நடைமுறைகள் மற்றும் வசதிகளை விளக்கும் ஒரு வழிகாட்டல்.
அமைச்சரவை அந்தஸ்த்துள்ள அமைச்சர்களின் பணியாளர்களுக்கான வருடாந்த அனுமதிப்பத்திரங்கள்
அரச அலுவலர்களுக்கான அனுமதிப்பத்திரங்களுக்கு மேலதிகமாக அமைச்சரவை அந்தஸ்த்துள்ள அமைச்சர்களின் தனிப்பட்ட பணியாளர்களுக்கும் வருடாந்த அனுமதிப்பத்திரங்கள் வழங்கப்படுகின்றன. இந்த அனுமதிப்பத்திரங்களை பெற்றுக்கொள்வதற்கு மேற்குறிப்பிடப்பட்ட அதே கோரிக்கை தொடர் செயன்முறையை தயவு செய்து பின்பற்றவும்.
பாராளுமன்றத்தில் ஒரு அறையை பெற்றுக்கொள்ளும் தகுதியுடைய அமைச்சர்கள் தமது முக்கிய பணியாளர்களுக்கு வருடாந்த அனுமதிப்பத்திரங்களை பெற்றுக்கொள்ள முடியும். நடப்பு வருடத்துக்கான ஏற்பாடுகள் ஏற்கனவே மேற்கொள்ளப்பட்டுள்ளன.
ஒவ்வொரு அமைச்சரும் பின்வரும் தமது பணியாளர்களுக்கான அனுமதிப்பத்திரங்களை பெற்றுக்கொள்வார்:
இந்த அனுமதிப்பத்திரங்களுக்கான கோரிக்கைகள் தொடர்புடைய அமைச்சின் செயலாளரால் கையொப்பமிடப்பட்டு படைக்கல சேவிதரிடம் சமர்ப்பிக்கப்பட வேண்டும்.
அரச அலுவலர்கள் பாராளுமன்றத்தில் உள்ள அமைச்சர்களின் அறைகளை எவ்வாறு பயன்படுத்தலாம் என்பது பின்வருமாறு:
அமைச்சரவை அந்தஸ்த்துள்ள அமைச்சர் ஒருவர் பாராளுமன்றத்தில் அறையொன்றைக் கொண்டிருந்தால், அரச அலுவலர்கள் மற்றும் அமைச்சரின் பணியாளர்கள் பாராளுமன்ற அமர்வுகள் இடம்பெறும் மற்றும் இடம்பெறாத நாட்களில் அலுவலக நேரங்களில் அவ்வறையை அமைச்சரின் தேவைக்கேற்ப அணுகலாம். எவ்வாறாயினும் அதற்கு அமைச்சரின் பரிந்துரை மற்றும் அனுமதி அவசியமானது.
எவ்வாறாயினும், அமர்வு இடம்பெறாத நாட்களில், அமைச்சர் அங்கு காணப்படவில்லையாயின், அரச அலுவலர்கள் மற்றும் அமைச்சரின் பணியாளர்கள் உள்ளடங்கலாக எவருக்கும் அவ்வறை அணுகல் மிக்கதாகக் காணப்படாது.
பாராளுமன்ற குழுக்கூட்டங்கள் மற்றும் ஏனைய முன்னுரிமைகளுக்கு குழு அறைகளை முன்பதிவு செய்யும் அதிகாரம் அமைச்சரவை அந்தஸ்த்துள்ள அமைச்சர்களுக்கு உள்ளது.
படைக்கல சேவிதருக்கு கோரிக்கைகளை சமர்ப்பிப்பதன் மூலம் குழு அறைகளை முன்பதிவு செய்யலாம். இக்கோரிக்கைகள் அமைச்சரின் கையெழுத்தைக் கொண்டனவாக அல்லது அமைச்சின் செயலாளர் அல்லது மேலதிக செயலாளரினால் அதிகாரமளிக்கப்பட்டனவாக அமைந்திருக்க வேண்டும்.
கௌரவ அமைச்சர்களின் கோரிக்கையின் பிரகாரம் அமைச்சுகள் அல்லது அவற்றின் ஊடக அணிகள் படைக்கல சேவிதர் ஊடாக அணுகலுக்கான கோரிக்கையை மேற்கொள்ள வேண்டும். வருகை தரும் நபர்களின் அடையாள அட்டை இலக்கங்கள், கருவிகள், வாகன விபரங்கள், அத்துடன் ஊடக விளக்கமளிக்கப்படும் இடங்கள் போன்ற விபரங்களை வழங்கவும்.
தாமதங்களை தவிர்க்க, 45 நிமிடங்கள் முன்னதாக வருகை தருவதுடன் பாதுகாப்பு சோதனைகளின் பின்னர் அலுவலர்களுக்கான நுழைவாயில் ஊடாக உள்நுழையவும்.
அனுமதியளிக்கப்பட்ட இடங்களில் மாத்திரம் இருப்பதுடன் தடை செய்யப்பட்ட பகுதிகளை தவிர்க்கவும். அனுமதியின்றி ஊடகக் கருவிகளை பார்வையாளர் கூடங்களுக்குள் கொண்டு வருவது அனுமதிக்கப்படமாட்டாது.
காண்க
காண்க
காண்க
பாராளுமன்றத்திற்கு வருகை தருதல்
பாராளுமன்றத்தின் கையேடு
இலங்கையில் தேர்தல் முறை
பாராளுமன்றம் எவ்வாறு செயல்படுகிறது
பாராளுமன்ற அலுவல்கள்
பதிப்புரிமை © இலங்கை பாராளுமன்றம்.
முழுப்பதிப்புரிமையுடையது.
வடிவமைத்து உருவாக்கியது TekGeeks
