555/ '19
கௌரவ சி. சிறீதரன்,— காணி மற்றும் பாராளுமன்ற மறுசீரமைப்பு அமைச்சரைக் கேட்பதற்கு,—
(அ) கிளிநொச்சி மாவட்டத்தில்,
(i) நிரந்தரமாக வதியும் குடும்பங்களின் எண்ணிக்கை மற்றும் அவர்களுக்குரித்தான காணிகள் தொடர்பாகவும் அறிவாரா;
(ii) காணி அறுதியுறுதினைக் கொண்டுள்ள குடும்பங்கள்/ஆட்களின் எண்ணிக்கை யாது;
(iii) காணி அறுதியுறுதினைக் கொண்டுள்ள மேட்டுக் காணிகள் மற்றும் வயற் காணிகளின் எண்ணிக்கை யாது;
(iv) காணி அனுமதிப் பத்திரத்தைக் கொண்டுள்ள குடும்பங்கள்/ ஆட்களின் எண்ணிக்கை யாது;
(v) காணி அனுமதிப் பத்திரத்தைக் கொண்டுள்ள மேட்டுக் காணிகள் மற்றும் வயற் காணிகளின் எண்ணிக்கை யாது;
என்பதை அவர் இச்சபைக்கு அறிவிப்பாரா?
(ஆ) (i) கிளிநொச்சி மாவட்டத்தில் 60 வருடங்களுக்கு மேலாக வதியும் மக்களுக்கு இதுவரை காணி அறுதியுறுதி வழங்காமைக்கான காரணம் என்னவென்பதையும்;
(ii) யுத்தத்தினால் பாதிக்கப்பட்ட கிளிநொச்சி மாவட்ட மக்கள் தமது காணிகளை வங்கி அல்லது ஏனைய நிதி நிறுவனமொன்றில் அடகு வைத்தல், கடன் பெறுதல் போன்ற செயற்பாடுகளின் மூலம் பொருளாதார நடவடிக்கைகளை மேம்படுத்த முடியாத நிலையிலுள்ளனர் என்பதையும்;
(iii) கிளிநொச்சி மாவட்டத்தில் இதுவரையில் காணி அறுதியுறுதி அல்லது காணி அனுமதிப் பத்திரமோ இல்லாது வசிக்கின்ற குடும்பங்கள்/ ஆட்களின் எண்ணிக்கை யாது என்பதையும்;
அவர் இச்சபைக்கு அறிவிப்பாரா?
(இ) இன்றேல், ஏன்?
கேட்கப்பட்ட திகதி
2019-05-10
கேட்டவர்
கௌரவ சிவஞானம் சிறீதரன், பா.உ.
அமைச்சு
காணி மற்றும் பாராளுமன்ற மறுசீரமைப்பு
சட்டவாக்கம்
இலங்கை சனநாயக சோசலிசக் குடியரசின் எட்டாவது பாராளுமன்றம்
கூட்டத்தொடர்
3
பதில் தேதி
2019-08-20
பதில் அளித்தார்
கௌரவ கயந்த கருணாதிலக்க, பா.உ.
பாராளுமன்றத்திற்கு வருகை தருதல்
பாராளுமன்றத்தின் கையேடு
இலங்கையில் தேர்தல் முறை
பாராளுமன்றம் எவ்வாறு செயல்படுகிறது
பாராளுமன்ற அலுவல்கள்
பதிப்புரிமை © இலங்கை பாராளுமன்றம்.
முழுப்பதிப்புரிமையுடையது.
வடிவமைத்து உருவாக்கியது TekGeeks
