1075/ '16
கௌரவ பிமல் ரத்நாயக்க,— தபால், தபால் சேவைகள் மற்றும் முஸ்லிம் சமய அலுவல்கள் அமைச்சரைக் கேட்பதற்கு,— (1)
(அ) (i) நாடு முழுவதும் தபால் திணைக்களத்திற்கு சொந்தமான 3410 உப தபால் அலுவலகங்கள் காணப்படுகின்றன என்பதையும்;
(ii) அலுவலகங்களுக்கான கட்டிடங்களைத் தேடுதல் உப தபால் நிலைய பொறுப்பதிகாரிகளாலேயே மேற்கொள்ளப்பட வேண்டியுள்ளது என்பதையும்;
(iii) உப தபால் அலுவலகமொன்றை கொண்டுநடத்துவதற்கு மாதாந்த வாடகையாக உப தபால் அலுவலக பொறுப்பதிகாரியொருவருக்கு ரூபா 250/- மட்டுமே செலுத்தப்படுகின்றதென்பதையும்;
(iv) இத்தகைய சிறு தொகையான மாதாந்த வாடகைக்கு கட்டிடங்களை வாடகைக்கு பெற முடியாமையால் பெரும்பாலான உப தபால் அலுவலக பொறுப்பதிகாரிகளுக்கு தமது சம்பளத்திலிருந்து பெருந்தொகை பணத்தை செலுத்த வேண்டியேற்பட்டுள்ளதென்பதையும்;
(v) பெறப்பட்டுள்ள சில கட்டிடங்களில் மலசலகூட (துப்புரவேற்பாட்டு) வசதிகள்கூட இன்மையால் ஊழியர்கள் மிகவும் இன்னல்களுக்கு மத்தியில் சேவையாற்றுகின்றனர் என்பதையும்;
(vi) தமது ஓய்வூதியத்தை பெற்றுக்கொள்வதற்காக வருகை தரும் முதியோர்களான ஓய்வுபெற்றோருக்கு அமர்வதற்கோ அல்லது நிற்பதற்கோ போதுமான இடவசதி இல்லாத உப தபால் அலுவலகங்கள் காணப்படுகின்றனவென்பதையும்;
அவர் அறிவாரா?
(ஆ) (i) மேற்குறிப்பிட்ட நிலைமைகளை கருத்திற்கொண்டு ஊழியர்களுக்கும் மக்களுக்கும் வசதிகளை ஏற்படுத்திக்கொடுக்கும் வகையில் உப தபால் அலுவலகங்களுக்கான கட்டிடங்களை நிர்மாணிப்பதற்கு நடவடிக்கை மேற்கொள்வாரா என்பதையும்;
(ii) கட்டிட வசதிகளை பெற்றுக்கொடுக்கும் வரையில் தற்சமயம் செலுத்தப்படும் ரூபா 250/- மாதாந்த வாடகைக்கு பதிலாக போதியளவு வாடகைத் தொகையை செலுத்துவதற்கு நடவடிக்கை எடுப்பாரா என்பதையும்;
அவர் இச்சபையில் அறிவிப்பாரா?
(இ) இன்றேல், ஏன்?
கேட்கப்பட்ட திகதி
2017-05-04
கேட்டவர்
கௌரவ பிமல் ரத்நாயக்க, பா.உ.
அமைச்சு
தபால் சேவைகள் மற்றும் முஸ்லிம் சமய அலுவல்கள்
சட்டவாக்கம்
இலங்கை சனநாயக சோசலிசக் குடியரசின் எட்டாவது பாராளுமன்றம்
கூட்டத்தொடர்
1
பதில் தேதி
2017-05-04
பதில் அளித்தார்
கௌரவ அப்துல் ஹலீம், பா.உ.
பாராளுமன்றத்திற்கு வருகை தருதல்
பாராளுமன்றத்தின் கையேடு
இலங்கையில் தேர்தல் முறை
பாராளுமன்றம் எவ்வாறு செயல்படுகிறது
பாராளுமன்ற அலுவல்கள்
பதிப்புரிமை © இலங்கை பாராளுமன்றம்.
முழுப்பதிப்புரிமையுடையது.
வடிவமைத்து உருவாக்கியது TekGeeks
