கௌரவ இம்ரான் மஹரூப்,— மாகாண சபைகள் மற்றும் உள்ளூராட்சி அமைச்சரைக் கேட்பதற்கு,—
(அ) (i) திருகோணமலை மாவட்டத்தின் தோப்பூர் விளையாட்டு மைதானத்தை அபிவிருத்தி செய்வதற்கு நிதி ஒதுக்கப்பட்ட மூலங்கள் யாவை என்பதையும்;
(ii) மேற்படி ஒவ்வொரு மூலத்திலிருந்தும் ஒதுக்கப்பட்ட பணத் தொகை வெவ்வேறாக யாவை என்பதையும்;
(iii) அதற்கென செலவிடப்பட்ட மொத்தச் செலவு எவ்வளவென்பதையும்;
அவர் இச் சபைக்கு அறிவிப்பாரா?
(ஆ) (i) இவ் விளையாட்டு மைதானம் 2017 ஆம் ஆண்டு சனவரி மாதம் திறந்து வைக்கப்பட்டதென்பதையும்;
(ii) அதன் நினைவுப் பலகையில் ஸ்ரீ லங்கா முஸ்லிம் காங்கிரஸ் கட்சியினரின் பெயர்கள் மாத்திரம் குறிப்பிடப்பட்டுள்ளதென்பதையும்;
அவர் அறிவாரா?
(இ) (i) மேற்படி பெயர்கள் குறிப்பிடப்பட்டதன் அடிப்படை யாதென்பதையும்;
(ii) அரசாங்கத்தை பிரதிநிதித்துவப்படுத்துகின்ற பாராளுமன்ற உறுப்பினர்களும் மாகாண சபை உறுப்பினர்களும் திருகோணமலை மாவட்டத்தில் உள்ள நிலையில் இவர்களுடைய பெயர்கள் மேற்படி நினைவுப் பலகையில் குறிப்பிடப்படாமைக்கான காரணங்கள் யாவை என்பதையும்;
(iii) மேற்படி விளையாட்டு மைதானத்துக்கு இடப்பட்டுள்ள பெயர் தொடர்பாக ஏற்புடைய செயல் நடைமுறைகள் பின்பற்றப்பட்டுள்ளதா என்பதையும்;
(iv) அரச நிதியில் மேற்கொள்ளப்படுகின்ற அபிவிருத்தி நடவடிக்கைகளின் போது ஒரு கட்சிக்கு மாத்திரம் முன்னுரிமை அளித்து கட்சியொன்றுக்கு பிரச்சாரத்தை தேடித்தருவது நல்லாட்சியின் ஓர் பண்பாகுமென ஏற்றுக்கொள்கின்றாரா என்பதையும்;
(v) இத் தவறை சீர் செய்வதற்கு நடவடிக்கை எடுப்பாரா என்பதையும்;
அவர் இச் சபைக்கு அறிவிப்பாரா?
(ஈ) இன்றேல், ஏன்?
கேட்கப்பட்ட திகதி
2017-06-09
கேட்டவர்
கௌரவ இம்ரான் மஹ்ரூப், பா.உ.
சட்டவாக்கம்
இலங்கை சனநாயக சோசலிசக் குடியரசின் எட்டாவது பாராளுமன்றம்
கூட்டத்தொடர்
1
பதில் தேதி
2017-08-08
பதில் அளித்தார்
கௌரவ பைஸர் முஸ்தபா, பா.உ.
பாராளுமன்றத்திற்கு வருகை தருதல்
பாராளுமன்றத்தின் கையேடு
இலங்கையில் தேர்தல் முறை
பாராளுமன்றம் எவ்வாறு செயல்படுகிறது
பாராளுமன்ற அலுவல்கள்
பதிப்புரிமை © இலங்கை பாராளுமன்றம்.
முழுப்பதிப்புரிமையுடையது.
வடிவமைத்து உருவாக்கியது TekGeeks
