கௌரவ எஸ். சீ. முத்துகுமாரண,— சுகாதாரம், போசணை மற்றும் சுதேச மருத்துவ அமைச்சரைக் கேட்பதற்கு,—
(அ) (i) தம்புத்தேகம வைத்தியசாலை, மத்திய மாகாண சபைக்குச் சொந்தமான அநுராதபுரம் மாவட்டத்திலுள்ள ஆதார வைத்தியசாலைகளில் ஒரு வைத்தியசாலையாகும் என்பதை அறிவாரா என்பதையும்;
(ii) ஆமெனில், அநுராதபுரம் மாவட்டத்தின் தம்புத்தேகம, கல்னேவ, ராஜாங்கனய, தலாவ, இப்பலோகம மற்றும் நொச்சியாகம ஆகிய பிரதேச செயலாளர் பிரிவுகளையும் மற்றும் வடமேல் மாகாணத்தின் மஹவ, கல்கமுவ மற்றும் மீகலாவ ஆகிய பிரதேசங்களையும் சேர்ந்த நோயாளிகள் இவ்வைத்தியசாலை யிலிருந்து சிகிச்சை பெறுகின்றனரென்பதை ஏற்றுக்கொள்வாரா என்பதையும்;
அவர் இச்சபைக்கு அறிவிப்பாரா?
(ஆ) (i) மேற்படி வைத்தியசாலையின் முதலாம் வாட்டில்/ திடீர் விபத்துக்கள் வாட்டில் சராசரியாக ஒரு நாளைக்கு சிகிச்சை பெறுகின்ற நோயாளிகளின் எண்ணிக்கை யாதென்பதையும்;
(ii) மேற்படி வாட்டிலுள்ள கட்டில்களின் எண்ணிக்கை யாதென்பதையும்;
(iii) நோயாளிகளுக்கு வழங்கப்பட்டுள்ள வசதிகள் பற்றி திருப்தியடைகின்றாரா என்பதையும்;
(iv) மேற்படி வைத்தியசாலைக்கு கடந்த ஆண்டில் புதிய வாட்டுத் தொகுதியொன்று நிர்மாணிக்கப்பட்டுள்ளதென்பதை அறிவாரா என்பதையும்;
(v) இற்றை வரை அதன் வேலைகள் முடிவடையாமைக்கான காரணங்கள் யாவையென்பதையும்;
(vi) புதிய கட்டடத்தின் வேலைகளை பூர்த்திசெய்து அதை திறந்து வைப்பதற்கு தலையீடு செய்வாரா என்பதையும்;
அவர் இச்சபைக்கு அறிவிப்பாரா?
(இ) இன்றேல், ஏன்?
கேட்கப்பட்ட திகதி
2017-08-10
கேட்டவர்
கௌரவ எஸ்.சீ. முதுகுமாரண, பா.உ.
அமைச்சு
சுகாதாரம், போசணை மற்றும் சுதேச மருத்துவ
சட்டவாக்கம்
இலங்கை சனநாயக சோசலிசக் குடியரசின் எட்டாவது பாராளுமன்றம்
கூட்டத்தொடர்
1
பதில் தேதி
2017-08-10
பதில் அளித்தார்
கௌரவ ராஜித சேனாரத்ன, பா.உ.
பாராளுமன்றத்திற்கு வருகை தருதல்
பாராளுமன்றத்தின் கையேடு
இலங்கையில் தேர்தல் முறை
பாராளுமன்றம் எவ்வாறு செயல்படுகிறது
பாராளுமன்ற அலுவல்கள்
பதிப்புரிமை © இலங்கை பாராளுமன்றம்.
முழுப்பதிப்புரிமையுடையது.
வடிவமைத்து உருவாக்கியது TekGeeks
