கௌரவ ஜே.எம். ஆனந்த குமாரசிறி,— சிறைச்சாலைகள் மறுசீரமைப்பு, புனர்வாழ்வளிப்பு, மீள் குடியேற்றம் மற்றும் இந்து மத அலுவல்கள் அமைச்சரைக் கேட்பதற்கு,—
(அ) (i) 1987 ஆம் ஆண்டில் மட்டக்களப்பு மாவட்டத்தின் முனங்குடிச்சி கிராம அலுவலர் பிரிவைச் சேர்ந்த ஏறாவூர் புன்னகுடா மீனவக் கிராமத்தில் குடியிருந்த திரு. டபிள்யு. ஹரிசன் பர்னாந்து உள்ளிட்ட கிராமவாசிகள் மீது புலிப் பயங்கரவாதிகளால் கடும் தாக்குதல் மேற்கொள்ளப்பட்டு பலர் கொல்லப்பட்டார்கள் என்பதையும்;
(ii) அச் சம்பவத்தினால் இவருக்குச் சொந்தமான வர்த்தக நிலையம், வாகனங்கள் மற்றும் இவருக்குச் சொந்தமான அனைத்தையும் இழந்துள்ளாரென்பதையும்;
(iii) ஆட்கள், சொத்துக்கள் மற்றும் கைத்தொழில் புனர்வாழ்வளிப்பு அதிகாரசபையினால் 1996.03.14 ஆம் திகதிய கடிதம் மூலம் மேற்படி விடயம் உறுதிப்படுத்தப்பட்டுள்ள போதிலும் இதுவரை இவர் உள்ளிட்ட மேற்படி குடும்பத்தைச் சேர்ந்தவர்களுக்கேற்பட்ட சேதம் தொடர்பாக எந்தவொரு நிவாரணமும் அளிக்கப்படவில்லை என்பதையும்;
அவர் அறிவாரா?
(ஆ) (i) மொணறாகல மாவட்டத்தின் வெல்லவாய, வருணகம எனப்படும் கிராமத்தில் தற்போது குடியிருக்கும் திரு. ஹரிசன் பர்னாந்துவிற்கு ஏற்பட்ட சேதத்துக்கு இழப்பீட்டுத் தொகையொன்றை செலுத்துவதற்கு நடவடிக்கை எடுப்பாரா என்பதையும்;
(ii) ஆமெனில், இழப்பீட்டுத் தொகை செலுத்தப்படும் திகதி யாதென்பதையும்;
அவர் இச் சபைக்கு அறிவிப்பாரா?
(இ) இன்றேல், ஏன்?
கேட்கப்பட்ட திகதி
2017-08-24
கேட்டவர்
கௌரவ ஜே.எம். ஆனந்த குமாரசிறி, பா.உ.
சட்டவாக்கம்
இலங்கை சனநாயக சோசலிசக் குடியரசின் எட்டாவது பாராளுமன்றம்
கூட்டத்தொடர்
1
பதில் தேதி
2017-08-24
பதில் அளித்தார்
கௌரவ டி.எம். சுவாமிநாதன், பா.உ.
பாராளுமன்றத்திற்கு வருகை தருதல்
பாராளுமன்றத்தின் கையேடு
இலங்கையில் தேர்தல் முறை
பாராளுமன்றம் எவ்வாறு செயல்படுகிறது
பாராளுமன்ற அலுவல்கள்
பதிப்புரிமை © இலங்கை பாராளுமன்றம்.
முழுப்பதிப்புரிமையுடையது.
வடிவமைத்து உருவாக்கியது TekGeeks
