கௌரவ டக்ளஸ் தேவானந்தா,— சிறைச்சாலைகள் மறுசீரமைப்பு, புனர்வாழ்வளிப்பு, மீள் குடியேற்றம் மற்றும் இந்து மத அலுவல்கள் அமைச்சரைக் கேட்பதற்கு,—
(அ) (i) 2010 ஆம் ஆண்டில் வவுனியா, நெடுங்கேணி பிரதேச செயலாளர் பிரிவின், மாங்குளம் கிராம அலுவலர் பிரிவில் அமைந்துள்ள, புதுவிளாங்குளம், புட்குளம், குஞ்சுகுளம், மன்னகுளம், கொல்லர் புளியங்குளம் ஆகிய 05 கிராமங்களில் சுமார் 270 குடும்பங்கள் மீளக் குடியமர்த்தப்பட்டார்கள் என்பதையும்;
(ii) இக் கிராமங்கள் முல்லைத்தீவு மற்றும் வவுனியா ஆகிய மாவட்டங்களின் எல்லையில் அமைந்துள்ளன என்பதையும்;
(iii) மீள்குடியேற்றப்பட்ட காலத்திலிருந்து இதுவரைக்கும் இம் மக்கள் எவ்வித அடிப்படை வசதிகளுமின்றி கடும் சிரமத்தை எதிர்கொள்கின்றார்கள் என்பதையும்;
(iv) A-9 வீதிக்கு பிரவேசிப்பதற்கான பாதைகள் இல்லாமை மற்றும் கிராமங்களுக்கு ஊடாக அமைந்துள்ள புகையிரதப் பாதைக்கு குறுக்காகச் செல்கின்ற வீதிகளுக்கு பாதுகாப்பான புகையிரதக் கடவைகள் இல்லாத காரணத்தினால் இம் மக்கள் பல்வேறு சிரமங்களை எதிர்கொள்கின்றார்கள் என்பதையும்;
அவர் அறிவாரா?
(ஆ) (i) மேற்படி கிராமங்களுக்கு தேவையான அடிப்படை வசதிகளை வழங்குவதற்கு நடவடிக்கை எடுப்பாரா என்பதையும்;
(ii) ஆமெனில், அவ் வசதிகள் பெற்றுக் கொடுக்கப்படும் திகதி யாதென்பதையும்;
அவர் இச் சபைக்கு அறிவிப்பாரா?
(இ) இன்றேல், ஏன்?
கேட்கப்பட்ட திகதி
2018-08-07
கேட்டவர்
கௌரவ டக்ளஸ் தேவானந்தா, பா.உ.
சட்டவாக்கம்
இலங்கை சனநாயக சோசலிசக் குடியரசின் எட்டாவது பாராளுமன்றம்
கூட்டத்தொடர்
2
பதில் தேதி
0000-00-00
பாராளுமன்றத்திற்கு வருகை தருதல்
பாராளுமன்றத்தின் கையேடு
இலங்கையில் தேர்தல் முறை
பாராளுமன்றம் எவ்வாறு செயல்படுகிறது
பாராளுமன்ற அலுவல்கள்
பதிப்புரிமை © இலங்கை பாராளுமன்றம்.
முழுப்பதிப்புரிமையுடையது.
வடிவமைத்து உருவாக்கியது TekGeeks
