தேயிலைக் கொழுந்து உற்பத்தியைப் பாதிக்கும் அடிப்படைப் பிரச்சினைகள் தொடர்பில் பொருட்கள் மற்றும் சேவைகள் ஏற்றுமதியை அதிகரித்தல் பற்றிய துறைசார் மேற்பார்வைக் குழுவின் அவதானம்

தேயிலைக் கொழுந்து உற்பத்தியைப் பாதிக்கும் அடிப்படைப் பிரச்சினைகள் தொடர்பில் பொருட்கள் மற்றும் சேவைகள் ஏற்றுமதியை அதிகரித்தல் பற்றிய துறைசார் மேற்பார்வைக் குழுவில் கவனம் செலுத்தப்பட்டது.

பொருட்கள் மற்றும் சேவைகள் ஏற்றுமதியை அதிகரித்தல் பற்றிய துறைசார் மேற்பார்வைக் குழு அதன் தலைவர் பாராளுமன்ற உறுப்பினர் கௌரவ புத்திக பதிரன தலைமையில் அண்மையில் (ஜூன் 05) பாராளுமன்றத்தில் கூடிய போதே இது தொடர்பில் கவனம் செலுத்தப்பட்டது.

இக்கூட்டத்தில் கமத்தொழில் மற்றும் பெருந்தோட்டக் கைத்தொழில் அமைச்சு உள்ளிட்ட அரச நிறுவனங்களைப் பிரதிநிதித்துவப்படுத்தி அதிகாரிகளும், தேயிலைச் தொழிற்சாலை உரிமையாளர்களின் சங்கம் உள்ளிட்ட அரச சார்பற்ற நிறுவனங்கள் மற்றும் அமைப்புக்களின் பிரதிநிதிகளும் கலந்துகொண்டனர்.

இதில் கலந்துகொண்டவர்கள் குறிப்பிடுகையில், தற்பொழுது தேயிலைக் கொழுந்து உற்பத்தி கடந்த வருடங்களுடன் ஒப்பிடும் போது குறைந்துள்ளதாக சுட்டிக்காட்டினர். அத்துடன், தேயிலைக் கொழுந்து பறிப்பதிலும் வினைத்திறனை அதிகரிப்பது தொடர்பில் கவனம் செலுத்தப்பட வேண்டும் எனத் தெரிவித்தனர். விசேடமாக உரம் சம்பந்தமான சிக்கல்கள் காரணமாக தேயிலைக் கொழுந்து உற்பத்தி குறைந்ததாகவும், கடந்த வருடத்தில் அது ஓரளவு சாதகமான நிலைமைக்கு வந்துள்ளதாகவும் அரச சார்பற்ற நிறுவனங்களைப் பிரதிநிதித்துவப்படுத்தி கலந்துகொண்ட பிரதிதிகள் சுட்டிக்காட்டினர்.

தேயிலைக் கொழுந்து உற்பத்தியை அதிகரிப்பது தொடர்பில் கவனம் செலுத்தும் அதேவேளை, தரத்தை அதிகரிப்பதிலும் கவனம் செலுத்த வேண்டும் என குழு சுட்டிக்காட்டியது.

அரச சார்பற்ற நிறுவனங்களைப் பிரதிநிதித்துவப்படுத்தி கலந்துகொண்ட பிரதிதிகள் குறிப்பிடுகையில், தற்பொழுது தோட்டத் தொழிலார்களின் சம்பளத்தை அதிகரிப்பது தொடர்பில் கவனம் செலுத்தப்பட்டு வருவதாகவும், அவ்வாறு சம்பளம் அதிகரிக்கப்படுவதனால் அதற்கு ஒப்பீட்டளவில் வினைத்திறனும் அதிகரிக்கப்பட வேண்டும் என சுட்டிக்காட்டினர். அவ்வாறில்லை எனின் தேயிலைத் தொழிற் துறையில் நெருக்கடி நிலைமை உருவாகும் எனவும் அவர்கள் சுட்டிக்காட்டினர்.

உங்கள் அந்தரங்கத்தை நாம் மதிக்கிறோம்

"சரி" என்பதைக் கிளிக் செய்வதன் மூலம், பின்வருவனவற்றை நீங்கள் ஏற்றுக் கொள்கிறீர்கள்:

பாராளுமன்ற செய்தி

தொடர்புடைய செய்திகள்

பாலின அடிப்படையிலான சம்பள வேறுபாடு குறித்த அறிக்கை சபாநாயருக்குக் கையளிப்பு

பாராளுமன்றத்திற்கு வருகை தருதல்

கற்க

பங்கேற்க

பாராளுமன்ற உறுப்பினர்கள்

முதற்பக்கம்

பாராளுமன்ற அலுவல்கள்

செயலகம்

பாராளுமன்ற நடப்பு