04 புதிய தூதுவர்கள், 02 அமைச்சுக்களின் செயலாளர்கள் மற்றும் 02 நிறுவனங்களின் தலைவர்களை நியமிப்பதற்கு உயர் பதவிகள் பற்றிய குழு அனுமதி

நான்கு புதிய தூதுவர்கள், இரண்டு அமைச்சுக்களின் செயலாளர்கள் மற்றும் இரண்டு நிறுவனங்களின் தலைவர்களை நியமிப்பதற்கு பாராளுமன்றத்தில் அண்மையில் கூடிய உயர் பதவிகள் பற்றிய குழு அனுமதி வழங்கியுள்ளது.

அதற்கமைய, வியட்நாம் சோசலிசக் குடியரசின் புதிய இலங்கைத் தூதுவராக டபிள்யூ.ஏ.யு.பி. பெரேராவை நியமிப்பதற்கும், போலந்துக்கான இலங்கையின் புதிய தூதுவராக திருமதி டி.பி. தர்மசேனவின் நியமனத்திற்கும் உயர் பதவிகள் பற்றிய குழு அனுமதி வழங்கியுள்ளது.

அத்துடன், தாய்லாந்துக்கான புதிய இலங்கை தூதுவராக திருமதி ஈ.ஏ.எஸ்.டபிள்யூ. எதிரிசிங்க மற்றும் மியான்மார் மக்கள் குடியரசின் புதிய இலங்கைத் தூதுவராக திருமதி பி.ஏ.பி. பொன்னம்பெருமவின் நியமனத்துக்கும் உயர் பதவிகள் பற்றிய குழுவின் அனுமதி கிடைத்துள்ளது.

அதற்கு மேலதிகமாக, போக்குவரத்து மற்றும் நெடுஞ்சாலைகள் அமைச்சின் புதிய செயலாளராக (பொறியியலாளர்) ஆர்.ஜி. ரூபசிங்கவின் நியமனத்துக்கும், கடற்றொழில் அமைச்சின் புதிய செயலாளராக செல்வி கே.என்.கே. சோமரத்னவின் நியமனத்துக்கும் உயர் பதவிகள் பற்றிய குழு அனுமதி அளித்துள்ளது.

மேலும், இலங்கை போக்குவரத்துச் சபையின் புதிய தலைவராக எஸ்.எம்.டி.எல்.கே. டி அல்விஸ் மற்றும் இலங்கை கைத்தொழில் அபிவிருத்திச் சபையின் புதிய தலைவராக கலாநிதி சாரங்க அழகப்பெரும ஆகியோரின் நியமனங்களுக்கும் உயர் பதவிகள் பற்றிய குழு அனுமதி வழங்கியுள்ளது.

சபாநாயகர் கௌரவ மஹிந்த யாப்பா அபேவர்தன தலைமையில் இடம்பெற்ற உயர் பதவிகள் பற்றிய குழுக் கூட்டத்தில் அமைச்சர் கௌரவ டக்ளஸ் தேவானந்தா, பாராளுமன்ற உறுப்பினர்களான கௌரவ ஜோன் செனவிரத்ன, கௌரவ ரிஷாட் பதியுதீன், கௌரவ (சட்டத்தரணி) தலதா அத்துகோரல, கௌரவ உதய கம்மன்பில மற்றும் கௌரவ (வைத்தியகலாநிதி) சுதர்ஷினி பர்னாந்துபுல்லே ஆகியோர் கலந்துகொண்டனர்.

உங்கள் அந்தரங்கத்தை நாம் மதிக்கிறோம்

"சரி" என்பதைக் கிளிக் செய்வதன் மூலம், பின்வருவனவற்றை நீங்கள் ஏற்றுக் கொள்கிறீர்கள்:

பாராளுமன்ற செய்தி

தொடர்புடைய செய்திகள்

பாலின அடிப்படையிலான சம்பள வேறுபாடு குறித்த அறிக்கை சபாநாயருக்குக் கையளிப்பு

பாராளுமன்றத்திற்கு வருகை தருதல்

கற்க

பங்கேற்க

பாராளுமன்ற உறுப்பினர்கள்

முதற்பக்கம்

பாராளுமன்ற அலுவல்கள்

செயலகம்

பாராளுமன்ற நடப்பு